Вазорати мудофиаи Тоҷикистон ҳеҷ амалиёти низомие дар ВМКБ тарҳрезӣ накарда, қатораи автомашинаҳои бо низомиён ахиран ба ин минтақа сафарбаршуда омодагӣ ба тамринҳои низомӣ аст.
Сардори маркази матбуоти Вазорати мудофиаи ҶТ Фаридун Маҳмадалиев нигарониҳои аҳолии вилоятро дар ин робита беасос унвон карда, изҳор намуд, ки ба минтақаи дигар сафарбар шудани низомиён нахуст ба оғози маъракаи даъват ба хизмати ҳарбӣ ва сипас ба тамринҳои ҳамасолаи омодагии ҷангии Қувваҳои Мусаллаҳ марбут аст.
«Тамринҳои ба ин монанд ахири моҳи март дар вилояти Хатлон ба итмом расида, ахири моҳи май ва аввали июн дар ВМКБ ва минбаъд дар вилояти Суғд дар назар аст», - гуфт ӯ.
Номбурда бори дигар таъкид кард, ки ташвишҳои мардум беасосанд ва дар ВМКБ ҳеҷ як амалиёти низомӣ тарҳрезӣ нашудааст.
Ёдрас мекунем, ки моҳи июли соли гузашта пас аз кушта шудани генерали КДАМ Абдулло Назаров дар наздикии шаҳри Хоруғ, дар ин шаҳр амалиёти махсуси низомӣ доир гардид Бино ба иттилои сарчашмаҳои расмӣ, дар ҷараёни амалиёт 13 нафар хизматчиёни ҳарбӣ кушта ва даҳҳо нафар захмӣ шуданд.
Ҳомиёни ҳуқуқи тоҷик бар ин назаранд, ки шумори ҷабрдидагон бамаротиб бештар аст. Шумори кушташудагон миёни тазоҳургарон то ҳанӯз маълум нест.
“Ҳоҷиҳо, ришдорон ва ба Туркия рафтаҳо ихроҷ шуданд”. Нақли муҳоҷирони аз Русия ихроҷшудаи тоҷик
Даргузашти фарҳангшиноси маъруф ва мунаққиди синамо Саъдулло Раҳимов
Лотереяи Green-Card: акнун метавонед бисанҷед, ки бурд кардед ё не
Се медали ҷудокорони тоҷик дар рӯзи якуми мусобиқаи Dushanbe Grand Slam 2024
Путин Эмомалӣ Раҳмонро ба Маскав даъват кард. Суҳбати роҳбарони ду давлат дар пайи мушкилоти муҳоҷирони тоҷик дар Русия
Мушкили шадиди дастрасӣ ба иттилоъ. Идомаи фишор ба расонаҳо ва рукуди озодии баён
Сафири Британияи Кабир дар Тоҷикистон иваз шуд
Тоҷикистониён кадом расонаҳоро бештар пайгирӣ мекунанд?
Маоши кам сабаби тарки соҳа кардани мутахассисон дар Агентии беҳдошти замин ва обёрӣ шудааст
Дар вилояти Курск кор дар таксиро барои муҳоҷирон манъ карданд
Кулли ахбор
Авторизуйтесь, пожалуйста