Понздаҳ нафар афсарони Хадамоти гумрук дар курси омӯзишӣ доир ба мавзӯи “Услубҳои муоинаи автомобилҳои дуздидашуда” иштирок карданд.
Тавре аз намояндагии Иттиҳоди Аврупо дар Тоҷикистон хабар доданд, ду омӯзгор аз Иттиҳоди Аврупо (Австрия) ба иштироккунандагони курси омӯзишӣ иттилооти асосиро дар бораи навъҳои гуногуни дуздидани автомобил ва воситаҳои муоинаи автомобил пешниҳод намуданд. Дар рафти курси омӯзишӣ иштироккунандагон бо услубҳои муайянсозии рақами идентификатсионии (VIN-коди) автомобилҳо ва роҳҳои ошкорсозии автомобилҳои дуздидашуда ошноӣ пайдо карданд.
Дар рӯзи сеюми курс дарс ва машқҳои амалӣ дар гузаргоҳи сарҳадии “Дӯстӣ” дар сарҳади Тоҷикистон ва Ӯзбекистон сурат гирифт. Дар он ҷо барои афсарони хадамоти гумрукӣ имконияти хуб фароҳам оварда шуд, то ки онҳо дониш ва маҳорате, ки дар соҳаи муайянсозии автомобилҳои дуздидашуда ба даст оварданд, дар амал татбиқ намоянд. Курси мазкур аз ҷониби Барномаи мусоидат ба идораи сарҳадот дар Осиёи Марказӣ (БОМКА) ташкил шудааст. Қобили зикр аст, ки кумаки молиявӣ барои амалисозии ин чорабинии барномаи БОМКА аз ҷониби Иттиҳоди Аврупо фароҳам гардида, иҷрокунандагони ин чорабинӣ Барномаи Рушди СММ (БРСММ) ва Маркази байналмиллалӣ оид ба рушди сиёсати муҳоҷиратӣ (МБРСМ) ба ҳисоб мераванд.
Ҳадаф ва вазифаҳои асосии барномаи БОМКА пуштибонӣ барои таҳкими амният дар минтақаи Осиёи Марказӣ, мусоидат намудан ба рушди тиҷорат ва транзити қонунӣ, коҳиш додани убуру мурури ғайриқонунии одамон ва амвол дар сарҳад мебошад.
Барномаи БОМКА аз ҷониби Иттиҳоди Аврупо маблағгузорӣ шуда, аз ҷониби БРСММ ва МБРСМ (ба ҳайси шарики иҷрокунанда) амалӣ мегардад.
КДАМ Тоҷикистон гуфт, чораҳои амниятиро дар сарҳади давлатӣ пурзӯр мекунад
Муҳлати ҳабси се узви оилаи Исломовҳо ва як шаҳрванди Қирғизистон низ тамдид гардид
Сангу чуб дар баробари танку туп. Эътирозгарон ба Толибон: посухи эътироз гулӯла нест!
Бонки осиёии рушд ба гумони ғолиб, дар маблағгузории сохтмони неругоҳи “Роғун” саҳм мегузорад
Имкони охирини муштзанҳои тоҷик барои дарёфти роҳхат ба Олимпиадаи Фаронса
“Се занро, аз ҷумла як ноболиғро ба никоҳаш даровардааст”. Боздошти як “қорӣ” бо гумони қаллобӣ
Миҷгона Маҳмадалиева аз Тоҷикистон дар ҳайати Кумитаи иҷроияи КФО. Бори нахуст дар Осиёи Марказӣ
Додгоҳи Маскав муҳлати ҳабси боз 4 гумонбари ҳамла ба “Крокус”-ро тамдид кард
Бар асари садама дар Ашт се нафар ба ҳалокат расиданд
Як додраси тоҷик ба гирифтани қариб 129 ҳазор сомонӣ пора муттаҳам дониста мешавад
Кулли ахбор
Авторизуйтесь, пожалуйста