Дар доираи густариши ҳамкориҳои ҳарбии кишварҳои аъзои Созмони Аҳдномаи амнияти дастаҷамъӣ (СААД) аз 27 июл то 2 августи соли 2014 дар машқгоҳи Алоотои шаҳри Бишкеки Ҷумҳурии Қирғизистон машқҳои муштараки низомӣ таҳти унвони «Бародарии шикастнопазир-2014» бо нерӯҳои сулҳҷӯёнаи кишварҳои аъзои Созмони Аҳдномаи Амнияти Дастаҷамъӣ доир мегардад.
Бино ба маълумоти маркази матбуоти Вазорати мудофиаи ҶТ, дар машқҳои муштарак аз Тоҷикистон гурӯҳҳои фаврӣ ва як взводи Баталёни сулҳҷӯёнаи Қӯшунҳои зудамали Қувваҳои Мусаллаҳ ширкат хоҳанд намуд. Ҳамчунин гурӯҳҳои фаврӣ аз Ҷумҳурии Армения, Белорусия, Ҷумҳурии Қирғизистон ва як ротаи гурӯҳи тактикӣ аз Федератсияи Россия ширкат меварзанд.
Ба иттилои мнабаъ, ҳадаф аз ташкилу ба роҳ мондани машқҳои муштарак байни ҷумҳуриҳои Созмони Аҳдномаи Амнияти Дасатаҷамъӣ, ин пеш аз ҳама таҳкими пойдории сулҳу субот, муттаҳидии нерӯҳои сулҳҷӯёна ва сайқал додани маҳорату малакаи касбии хизматчиёни ҳарбии ҷузъу томҳои Қувваҳои мусаллаҳи кишварҳои аъзо мебошад.
Гуфта мешавад, ҷараёни машқҳои муштаракро афсари масъули Вазорати мудофиа аз Раёсати амалиётии Ситоди генералии Қувваҳои Мусаллаҳи Ҷумҳурии Тоҷикистон подполковник Ҷамшед Саидов бар ӯҳда дорад. Дар назар аст, ки даври ниҳоии машқҳои муштаракро роҳбарону намояндагони кишварҳои аъзои Созмони Аҳдномаи Амнияти Дастаҷамъӣ назорат хоҳанд намуд.
Қабули ҳуҷҷатҳо ба синфи якум дар мактабҳо аз 1 август оғоз мешавад
Видоъ бо Иброҳим Раисӣ дар Душанбе
Мотами миллӣ дар Эрон. Иброҳим Раисӣ кӣ буд, чӣ гуфт ва чӣ кард?
Гумонбарони амали террористӣ дар “Крокус” аз қарори тамдиди муҳлати боздошт шикоят набурданд
Нархи карбамид дар Тоҷикистон ду баробар поин рафт
Дар Осиёи Марказӣ нисбат ба соли гузашта захираи об бештар шудааст
Размикори 5-уми тоҷик дар UFC: ӯ кист ва кай қарордод ба имзо мерасонад?
Шикояти 1200 муҳоҷири тоҷик оид ба нақзи ҳуқуқашон дар Русия ба сафорати Тоҷикистон
Дар баъзе кишварҳо дар робита ба ҳалокати президенти Эрон мотам эълон шуд
Чаро дар Тоҷикистон гӯшт ҳамеша қимат аст?
Кулли ахбор
Авторизуйтесь, пожалуйста