Тибқи мувофиқаи ҳосилшуда дар вохӯрии хадамоти марзбонии Тоҷикистону Қирғизистон дар Исфара, рӯзи шанбеи ҳафтаи сипаришуда аз манотиқи наздимарзӣ хориҷ кардани ҷузъу томҳо ва нерӯҳои иловагии ҳарду ҷониб оғоз гардид.
Тавре ба «Азия-Плюс» як манбаъ аз ҳукумати шаҳри Исфара хабар дод, дар вохӯрии зикршудаи ҳайатҳои ҳарду ҷониб таҳти раҳбарии фармондеҳони мақомоти марзбонии ҳарду кишвар Раҷабалӣ Раҳмоналӣ ва Райимбердӣ Дуйшенбиев ба масоили таҳқиқу муайян кардани сабаб ва ҳолатҳои сар задани муноқишаи рӯзи 10-уми июл дар марз ва суръат бахшидан ба баргузории чорабиниҳои муштарак дар ин самт таваҷҷуҳи хосса зоҳир гардид.
Ҷонибҳо ҳамчунин дар мавриди фаъол гардонидани ҳамкории муштараки хадамотҳои марзбонии ҳарду кишвар ва барқарор намудани фаъолияти гурӯҳҳои кории муштарак ҳангоми ҳалли муноқишаҳои марзӣ тавофуқ ҳосил намуданд.
Бино ба иттилои Хадамоти давлатии марзбонии Қирғизистон, «бо мақсади ба эътидол оврадани вазъ дар бораи ташкили посбонии марз танҳо аз ҷониби дастаҳои марзбонии воҳидҳои ҳайати шахсии нерӯҳои марзбонии ҷонибҳо тасмим гирифта шуд».
Гуфта мешавад, ғайр аз ин, барои пешгирии такрор нашудани муноқишаҳои марзӣ қарор шудааст, ки қитъаи Тамдиқ – Бедаки марз муштаракан аз ҳарду ҷониб посбонӣ ва таҳти назорат қарор дода шуда, ҳамчунин ҷиҳати таъмини табодули маълумоти доимӣ, тамоси доимии воҳидҳои марзбонии ҳарду ҷониб роҳандозӣ гардад.
Қабули ҳуҷҷатҳо ба синфи якум дар мактабҳо аз 1 август оғоз мешавад
Видоъ бо Иброҳим Раисӣ дар Душанбе
Мотами миллӣ дар Эрон. Иброҳим Раисӣ кӣ буд, чӣ гуфт ва чӣ кард?
Гумонбарони амали террористӣ дар “Крокус” аз қарори тамдиди муҳлати боздошт шикоят набурданд
Нархи карбамид дар Тоҷикистон ду баробар поин рафт
Дар Осиёи Марказӣ нисбат ба соли гузашта захираи об бештар шудааст
Размикори 5-уми тоҷик дар UFC: ӯ кист ва кай қарордод ба имзо мерасонад?
Шикояти 1200 муҳоҷири тоҷик оид ба нақзи ҳуқуқашон дар Русия ба сафорати Тоҷикистон
Дар баъзе кишварҳо дар робита ба ҳалокати президенти Эрон мотам эълон шуд
Чаро дар Тоҷикистон гӯшт ҳамеша қимат аст?
Кулли ахбор
Авторизуйтесь, пожалуйста