Вазорати мудофиаи Тоҷикистон ҳодисаи куштори кормандони комиссариати ҳарбии ноҳияи Синои шаҳри Душанберо ба маъракаи даъвати тирамоҳӣ ба хизмати ҳарбӣ марбут намедонад.
Котиби матбуотии Вазорати мудофиаи Тоҷикистон Фаридун Маҳмадалиев ба «Азия-Плюс» дар ин робита иттилоъ дод, ки нақшаи даъвати тирамоҳӣ ба хизмати ҳарбӣ дар ноҳияи Сино ҳанӯз аввали моҳи ноябр ба иҷро расида буд. Ба гуфтаи ӯ, ҳафтаи гузашта бори нахуст дар шаҳри Душанбе нақшаи даъват ба хизмати ҳарбӣ пеш аз муҳлат иҷро шуд.
Маҳмадалиев таъкид дошт, ки ин ҳодисаи фоҷеабор берун аз қаламрави комиссариати ҳарбӣ рух дода, ба кадом хотир даст ба ин амал задани ҷинояткорон алҳол маълум нест.
Ёдрас мекунем, ки ахири ҳафтаи сипаришуда афроди номаълум ба кормандони комиссариати ҳарбии ноҳияи Синои шаҳри Душанбе дарафтода, дар натиҷа ду нафар аз кормандони ин комиссариат ба ҳалокат расиданд.
Дар ин робита Вазорати корҳои дохилӣ аз тамоми шаҳрвандон дархост мекунад, ки агар оид ба ҳодисаи куштор ва шахсияти ҷинояткорони дар он дастдошта ягон маълумот дошта бошанд, ба мақомоти милитсия хабар расонанд.
Гуфта мешавад, касоне, ки дар ин бора маълумоти дақиқ медиҳанд, 10 ҳазор доллари амрикоӣ мукофотонида мешаванд. Нисбати шахсоне, ки ягон маълумот ва ё хабар медиҳанд, пинҳон доштани шахсияти онҳо кафолат дода мешавад.
Идомаи ҷанҷол дар ҲДТ. Усмонзода далелҳои иловагии худро ба Вазорати адлия пешниҳод кардааст
Маҳсулоти кишоварзии Тоҷикистон тозатарин дар ИДМ эътироф шуд
Як мард барои куштори ҳамзисташ 16 сол равонаи зиндон шуд
“Либоси миллиро бо меъёри шаръӣ пӯшед”. “Ҳимоят”-и муфтии Тоҷикистон аз тарҳи қонуни манъи "либоси бегона”
Қоҳир Расулзода бо рафти корҳои барқарорсозӣ дар ноҳияҳои Темурмалик ва Балҷувон шинос шуд
“Парвози ҳунар”. Таҷлили 70-солагии умр ва 50-соли фаъолияти эҷодии ҳунарпеша Бурхвалӣ Ғуломҳайдар
Дар роҳи “Душанбе-Чаноқ” ба равуои нақлиёти гаронвазн маҳдудият ҷорӣ шуд
Сафи муҳоҷирони корӣ аз Ӯзбекистон дар Русия сол то сол камтар мешавад
Даромади солона аз канали Қуштеппа дар Афғонистон 500 млн доллар арзёбӣ шуд
Дар роҳҳои Душанбе дурбинҳои худкор ва радарҳо фаъол мешаванд
Кулли ахбор
Авторизуйтесь, пожалуйста