Президенти Тоҷикистон Эмомалӣ Раҳмон рӯзи 14-уми сентябр дар Вохурии панҷуми машваратии сарони кишварҳои Осиёи Марказӣ изҳор дошт, ки Тоҷикистон барои ба эътидол овардани вазъи башардӯстона дар Афғонистон шароити мусоиди иҷтимоию иқтисодӣ ва барои интиқоли борҳои башардӯстона ба ин кишвар замина фароҳам меорад.
“Дар баробари ин, мо афзоиши фаъолияти гурӯҳҳои гуногуни террористӣ дар Афғонистонро эҳсос мекунем. Солҳои охир мо ба кӯшишҳои рахна ва убури ғайриқонунии сарҳади давлатӣ аз ҷониби гурӯҳҳои гуногуни террористӣ дучор шудаем. Чанде пеш мо аз ду кӯшиши рахна кардани сарҳад пешгирӣ кардем. Онҳо анҷоми як силсила амалҳои террористӣ дар пойтахт ва манотиқи дигари Тоҷикистонро ҳадаф қарор дода буданд”, - гуфт ӯ.
Ӯ қайд кард, ки ҳаҷми қочоқи маводи мухаддир низ афзоиш меёбад.
“Рақамҳо равшан тасдиқ мекунанд. Соли гузашта танҳо мақомоти салоҳиятдори кишвари мо дар марз бо Афғонистон ҳудуди 5 тонна маводи мухаддирро мусодира карданд. Ин нисбат ба соли 2021 22 дарсад зиёд аст. Дар ин шароит мо бояд якҷо ва дастаҷамъона кор кунем”, - гуфт ӯ ба сарони кишварҳои Осиёи Марказӣ.
Раиси ҷумҳури Тоҷикистон гуфт, мо бояд ҳамеша дар хотир дошта бошем, ки омили амният муҳимтарин шарти татбиқи бомуваффақияти нақшаву тааҳҳудоти муштараки созанда аст.
Дар ҳамин ҳол, раиси ҷумҳури Ӯзбекистон Шавкат Мирзиёев пешниҳод кард, ки барномаи ҳифзи марзҳои Осиёи Марказӣ таҳия шавад.
“Мо пешниҳод мекунем, ки ба таҳияи барномаи байнидавлатӣ оид ба ҳифз ва таҳкими сарҳадҳои кишварҳои Осиёи Марказӣ шурӯъ кунем”, - гуфт раиси ҷумҳури Ӯзбекистон.
Ба гуфтаи ӯ, идомаи машқҳои муштарак барои санҷиши сенарияҳо ва муқовимат бо таҳдидҳои анъанавӣ ва нави амниятӣ муҳим аст.
“Мо зарур мешуморем, ки системаи минтақавии пешгӯй, огоҳии барвақт ва вокуниши муштарак ба ҳолатҳои фавқулода ташкил карда шавад. Вазъ дар Афғонистон яке аз омилҳои калидӣ боқӣ мемонад, ки бевосита ба амният ва субот таъсир мерасонад”, - таъкид кард Мирзиёев.
Раиси ҷумҳури Ӯзбекистон афзуд, ки муколамаи доимӣ ва ошкоро бо мақомоти кунунии Афғонистон ва ҳамгироии ин кишвар ба кишварҳои иқтисодии минтақа ниҳоят муҳим аст.
“Ӯзбекистон ният дорад, ки ба мардуми Афғонистон кӯмаки зарурӣ расонад”, - гуфт ӯ.
Бояд гуфт, ки Вохурии панҷуми машваратии сарони кишварҳои Осиёи Марказӣ дар Душанбе баргузор гардид ва дар он ҳамаи роҳбарони давлатҳои минтақа иштирок ва суханронӣ карданд.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста