Душанбе. 26 апрел. «Азия-Плюс» - | Имруз аз фоҷиаи Чернобил - бузургтарин садамаи асри XX, 25 сол сипарӣ гашт. Ин руз дар кишварҳои узви Иттиҳоди давлатҳои мустақил рӯзи ёдбуди қурбониёни садамаи радиоактивӣ эълон шудааст.
Дар муроҷиатномаи Шӯрои сарони кишварҳои узви ИДМ, ки бахшида ба 25умин солгарди садама дар Чернобил қабул карда шуд, омадааст, ки мушкилоти марбут ба натоиҷи фоҷиаи Чернобил барои насли оянда ҳам таъсир хоҳад гузошт. Чунин садама қаламрави осебдидаро барои даҳсолаҳо ба макони бӯҳронӣ табдил медиҳад.
«Мо мардонагӣ ва фидокории садҳо ҳазор иштирокдорони амалиёти бартаф кардани натоиҷи садамаи нерӯгоҳи атомии Чернобилро, аз тамоми давлатҳои собиқ Шӯравӣ, дар ёд дорем. Онҳо саломатӣ ва ҷони худро дар хатар гузошта вазифаи хешро анҷои доданд,- омадааст дар ҳуччат. - Новобаста ба чораҳои андешидашуда, натиҷаи ин садама то ҳанӯз ба ҳаёти сокинони давлатҳои осебдида таъсири манфии худро мегузорад. Зери назорати махсуси духтурон бояд миллионҳо нафар қарор дошта бошанд. Минтақаҳои алоҳида ҳанӯз ҳам ба чораҳои муҳофизатӣ ниёз доранд, ки бидуни он таъмини бехатарии ҳаёти мардуми он ғайри имкон аст».
25 сол пеш дар таърихи 26 апрели соли 1986 фоҷиаи ҳастаӣ дар нерӯгоҳи атомии Чернобил дар Украина дунёро такон дод. Дар ҳамин ҳол тибқи маълумоти ҷамъияти «Союз-Чернобил» аз Точикистон барои бартараф кардани натоиҷи садама дар нерӯгоҳи барқи атомӣ 2150 нафар ширкат варзиданд. То имруз 170 шаҳрванди Тоҷикистон аз зарари радиактивии Чернобил фавтида, 800 нафар маъюби гурухи якум ва дуввум хастанд.
Рӯзҳои истироҳат дар Тоҷикистон боришоти пуршиддат дар назар аст
Ҳисоббаробариҳои Тоҷикистону Русия бо рубл ба 80% расиданд
Муҳлати таътили мактабхонҳо дар Тоҷикистон кам карда шуд
Дар Панҷакент кӯшки асрҳои VI-VIII кашф шуд
Эмомалӣ Раҳмон прокурорҳои генералии кишварҳои узви СҲИ-ро ба ҳузур пазируфт
Навраси 13-сола дар дарёи Хонақоҳи Ҳисор ғарқ шуд
Фолбиниву ҷодугарӣ акнун ҷиноят аст. Ҷазо барои ин амалҳо пурзӯр шуд
Обуҳавошиносон: Имрӯз Тоҷикистонро чангу ғубор фаро мегирад
Мошинҳои калонҳаҷми боркаши Тоҷикистон мунтазири тартиби нави боркашонӣ тариқи Ӯзбекистон
Кӣ ва чӣ тавр ба тоҷикон дар Русия кӯмак мекунад?
Кулли ахбор
Авторизуйтесь, пожалуйста