Рӯзи сеюм аст, ки ҳоҷиёни кишвар аз зиёрати Каъба ба Ватан бармегарданд.
Бино ба иттилои котиби матбуотии Фурудгоҳи байнулмилалии Душанбе (ФБД) Муҳаммадюсуф Шодиев, баргаштани ҳоҷиён аз 19-уми моҳи октябр шурӯъ гардида, то 3-юми моҳи ноябр идома меёбад. «Барои гусел ва қабули ҳоҷиён, бору бағочи онҳо фурудгоҳи байналмилалии Душанбе омодагии пурра дида, шароити заруриро муҳайё намуд», - гуфт номбурда.
Ёдовар бояд шуд, ки имсол аз фурудгоҳи Душанбе 4713 нафар зойирин тариқи ширкатҳои ҳавопаймоии ватанӣ - «Тоҷик Эйр» ва «Сомон Эйр» барои зиёрати Хонаи Худо ба шаҳрҳои Ҷидда ва Мадина гусел шуданд. Фурудгоҳи Душанбе дар маҷмӯъ ба 48 адад рейсҳои рафта ва омада хизматрасонӣ мекунад.
Қобили зикр аст, ки соли равон Арабистони Саъудӣ барои зойирини тамоми кишварҳо шумори квотахоро ба андозаи 20% кам кард. Бо назардошти ин квота имсол 6,3 ҳазор нафар тоҷикистониён макони муқаддаси Исломро зиёрат карданд. Тибқи маълумоти ахир, ду нафар тоҷикистониён дар макони муқаддаси ислом аз олам даргузаштанд.
Нархи ҳаҷҷи имсола 17 ҳазору 625 сомонӣ (беш аз 3 ҳазору 710 $)-ро ташкил дод, ки дар муқоиса бо соли гузашта 497,3 сомонӣ зиёдтар аст. Бо ин маблағ зоирини Хонаи Худо тавассути ҳавопаймо ба макони муқаддаси мусалмонон расонида шуда, бо меҳмонхона дар Маккаву Мадина, сарулибоси ягонаи маъмулӣ бо нишони Тоҷикистон, хӯроки севақта, кӯмаки тиббӣ, чорво барои қурбонӣ кардан, ҷомадон ва дигар хизматгузориҳои зарурӣ таъмин карда шуданд.
Соли гузашта адои маросими ҳаҷ барои тоҷикистониён – 3 ҳазору 546 $ ва соли 2011 – 3 ҳазору 448 доллари ИМА-ро ташкил дода буд.
Аз сабти онлайни расона то 60% муҳтавои ватанӣ ва тарҷумаи имову ишора. Тарҳи қонуни нави ВАО чӣ дорад?
Боздошти нозири минтақавии ШВКД Қубодиён ба гумони порагирӣ
Ду рӯзи наздик дар Тоҷикистон борону жола меборад
Барои рушди бахши роҳи оҳани Тоҷикистон 7,5 млрд доллар маблағгузорӣ пешбинӣ шудааст
Чин ба сохтмони неругоҳҳои офтобӣ дар Тоҷикистон 400 млн доллар маблағгузорӣ мекунад
Дар радабандии рақобатпазирӣ дар бахши сайёҳӣ нишондиҳандаҳои Тоҷикистон каме беҳтар шуданд
Раиси дастгоҳи Иброҳим Раисӣ ҷузъиёти суқути чархболро шарҳ дод
Тайи 1 шабонарӯз дар обҳои Тоҷикистон 2 нафар ғарқ шуданд
Эмомалӣ Раҳмон бо сафари давлатӣ ба Озарбойҷон рафт
Президенти Тоҷикистон дар маросими азои фавтидагони фоҷеа дар Эрон иштирок кард
Кулли ахбор
Авторизуйтесь, пожалуйста