Дар шабакаҳои давлатии телевизиони Тоҷикистон аз персонажҳои афсонавии Бобои Барфӣ ва Барфак ва ҳамчунин ороиши Арчаи солинавӣ ба ин муносибат дар барномаҳои идонаи солинавӣ даст мекашанд.
Муовини аввали раиси Кумитаи телевизиону радио Саидалӣ Сиддиқов ин маълумотро тасдиқ намуда, дар ин робита изҳор дошт, ки наворбардории барномаҳои солинавӣ аллакай оғоз гардида, вале дар он ба арчаву зебу орои он ва Бобои Барфиву Барфак, ки «ҳарчанд ин ҳеҷ бадие надошта бошад ҳам», таваҷҷуҳи зиёд зоҳир нахоҳад шуд, зеро ин расму русум ва қаҳрамонҳои афсонавӣ ба анъанаҳо миллии тоҷикон созгор нестанд.
Ба гуфтаи ӯ, дар барномаҳои солинавӣ тасвирҳои зебову марғуби зимистон, барф, пешвози Соли нав, мусиқиву суруд, дархостҳои солинавӣ ва оростани мизи солинавӣ бидуни машрубот намоиш дода хоҳад шуд. «Дар ин бора «аз боло» ҳеҷ фармоише нашуда, раҳабрияти шабакаҳои телевизионӣ ба чунин хулоса омаданд ва кумита онро маъқул шуморид», - иброз дошт ӯ.
Оростани арча қабл аз фарорасии Соли нави масеҳӣ ба як қисмате аз мардуми тоҷик расм шудааст, вале ахиран дар остонаи Соли нави масеҳӣ роҷеъ ба бегона будани ин ҷашн барои ҷомеаи Тоҷикистон сарусадоҳо баланд мешаванд.
Соли гузашта муфтии Тоҷикистон Саидмукаррам Абдуқодирзода аз шаҳрвандони кишвар длаъват ба амал овард, ки аз хароҷоти зиёдатӣ дар ин ид худдорӣ намуда, ба ниёзмандону оилаҳои камбизоат кумак расонанд.
Бо вуҷуди ин, фарорасии Соли нав дар Тоҷикистон расман рӯзи ид шуморида мешавад. Ҳамасола сарвари давлат тариқи телевизион мардумро бо ин ҷашн табрик мекунад. Имсол дар майдони «Дӯстӣ»-и пойтахт арчаи солинавӣ гузошта мешавад, ки баландиаш 22 метрро ташкил медиҳад.
Ӯ мегуфт, “пешрафти Тоҷикистон, иззати ҳамаи мост”. Даргузашти Раисӣ ба муносибати Тоҷикистону Эрон чӣ таъсир метавонад расонад?
“Муҳлати дароз, набудани шароит ва меҳтарсолорӣ”. Чаро бархе ҷавонони тоҷик хоҳиши ба хидмати ҳарбӣ рафтанро надоранд?
Аз 25 май дар Душанбе автобусҳои дуошёнаи сайёҳӣ ба равуо оғоз мекунанд
Қоҳир Расулзода дар ҷаласаи Шӯрои сарвазирони кишварҳои узви ИДМ иштирок мекунад
Баҳодур Усмонов бо муштзани Русия рақобат мекунад
Шакар дар Тоҷикистон қимат мешавад. Чаро истеҳсолоти худӣ нест?
Эмомалӣ Раҳмон барои видоъ бо Иброҳим Раисӣ ба Эрон рафт
Сиёсатмадоре бо мавқеи устувор. Назари ҳамкорону ҳамкасбон дар бораи Раҳматилло Зоиров
Сомон Маҳмадбеков медали деринтизори чемпионати ҷудои ҷаҳонро ба даст овард
Қабули ҳуҷҷатҳо ба синфи якум дар мактабҳо аз 1 август оғоз мешавад
Кулли ахбор
Авторизуйтесь, пожалуйста