Барои иштирок дар озмуни аксҳои «Азия-Плюс» - «Тоҷикистони ман» ба идораи «Азия-Плюс» беш аз 100 акс ворид шуд.

Озмун аз рӯи 4 номинатсия - «Одамон. Рӯйдодҳо. Ҳаёти рӯзмарра»; «Табиат»; «Меъморӣ» ва «Сабк» (Стиль) доир мегардад. Ғолиб аз рӯи «лайк» (овозҳо)-и бадастовардааш муайян карда мешавад. Ғайр аз ин, ҳайати ҳакамони махсуси «Азия-Плюс» аз байни иштирокчиёни 4 номинатсия ғолиби ҷоизаи асосӣ - Гран-приро низ эълон хоҳад кард.

Озмуни аксҳо то 9 сентябр дар сомона ва саҳифаи расмии «Азия-Плюс» дар Facebook гузаронида мешавад. Ҳар кадоме аз иштирокчиёни озмун ба суроғаи мо - [email protected] . барои ҳар як номинатсия як акс фиристода метавонад. Ба ҷонибдории акси писандомада ҳама гуна шахсон бо пахши аломати «Нравится» (Like) дар саҳифаи мо дар ФБ  - https://www.facebook.com/newstj . овоз дода метавонанд. Ҳар ҳафта аз овоздиҳӣ натиҷагирӣ мешавад.

Доир ба шартҳову муқаррарот ва дигар ҷузъиёти баргузории озмун  аз суроғаи зерин  маълумоти бештар муфассал дарёфт карда метавонед.