Ширкати миллии «Тоҷиктелеком» трафики интернетро байни ширкатҳои фароҳамсози интернет (провайдерон)-и Тоҷикистон ва операторони мобилӣ тақсим мекунад. Тибқи таҷрибаи кишварҳои дигар.
Директори генералии «Тоҷиктелеком» Музаффар Ҳимматов дар ин робита ба журналистон изҳор намуд, ки ба гунаи мисол чунин тартибот дар кишварҳои ҳамсояи Қирғизистону Ӯзбекистон амал мекунад.
«Қирғизтелеком» ва «Ӯзтелеком» ба провайдерон интернет мефурӯшанд. Аз лиҳози техникӣ мо ҳам чунин имкон дорем. «Тоҷиктелеком» низ ба харидани интернет ва минбаъд тақсимоти он имкон дорад», - қайд кард Ҳимматов.
Ба гуфтаи ӯ провайдери миллӣ алллакай ба харидани интернет аз ҳамсоякишварҳо оғоз намуда, онро байни провайдерон тақсим мекунад. «Озмоиш гузаронида шуда, аз ҷузъиёташ баъдтар маълумот медиҳем», - иброз дошт ӯ.
Ба саволи журналистон бобати ба қонунгузориии рақобат ва маҳдуд кардани фаъолияти монополӣ (инҳисорӣ) дар бозори маҳсулот мухолифат кардани ин навгониҳо, Ҳимматов посухи манфӣ дод. «Ҳамаи ин корҳо дар доираи қонунгузорӣ сурат мегирад», - гуфт ӯ.
Ӯ ҳамчунин дар бораи нархи пешниҳоди интернет ба провайдерон чизе нагуфта, танҳо зикр кард, ки айни замон гуфтушунидҳо дар ин хусус идома дошта, вале ҳоло қарордодҳо баста нашудаанд.
Дар ҳамин ҳол, Ҳимматов илова намуд, ки аз 1 ноябри соли 2017 «Тоҷиктелеком» арзиши интернетро барои муштариёни худ ба андозаи 20 фоиз поин бурд. Масалан, қаблан тарифи бидуни маҳдудият (бе лимит) 150 сомонӣ нарх дошта, ҳозир он бо арзиши 120 сомонӣ пешниҳод мешавад.
Қобили зикр аст, ки қаблан ширкатҳои фароҳамсози интернет ва операторони мобилӣ мустақилона аз кишварҳои ҳамсоя интернет харидорӣ мекарданд.
Навраси 13-сола дар дарёи Хонақоҳи Ҳисор ғарқ шуд
Фолбиниву ҷодугарӣ акнун ҷиноят аст. Ҷазо барои ин амалҳо пурзӯр шуд
Обуҳавошиносон: Имрӯз Тоҷикистонро чангу ғубор фаро мегирад
Мошинҳои калонҳаҷми боркаши Тоҷикистон мунтазири тартиби нави боркашонӣ тариқи Ӯзбекистон
Кӣ ва чӣ тавр ба тоҷикон дар Русия кӯмак мекунад?
Дар Тоҷикистон барои монеи таҳсили хонандагон шудан ҷавобгарии ҷиноятӣ пешбинӣ гардид
Кишти баҳорӣ дар Тоҷикистон дар арафаи анҷомёбист, вале камобӣ эҳсос мешавад
Дар семоҳаи аввали соли 2024 чӣ қадар тоҷикистониён ба Русия рафтаанд?
Тоҷикистон то охири ҳамин моҳ ба ҳалқаи ягонаи энергетикии Осиёи Марказӣ бармегардад
Афғонистон аз ҳуқуқи овоздиҳӣ дар СММ барои пардохт накардани аъзоҳаққӣ маҳрум шуд
Кулли ахбор
Авторизуйтесь, пожалуйста