Созишнома дар бораи барқарор кардани равуои автобусҳо байни шаҳрҳои Тоҷикистону Ӯзбекистон охири ҳафтаи гузашта дар Тошканд ба имзо расид.
Тавре ба «Азия-Плюс» намояндаи ширкати тоҷикистонии «Asian Express» дар ин робита хабар дод, созишнома аз ҷониби намояндагони Вазорати нақлиёти Тоҷикистон ва Агентии нақлиёти автомобилии Ӯзбекистон ба имзо расидааст.
Бино ба иттилои манбаъ, аввали моҳи май равуо автобусҳои мусофирбар байни кишварҳо оғоз мегардад.
Ба самтҳои Тошканд, Самарқанд, Фарғона, Деҳнав, Қӯқанд, Бухоро ва Тирмиз 12 хатсайри мунтазам кушода мешавад. Қаблан ифтитоҳи 4 хатсайр зикр гардида буд.
«Автобусҳо аз Душанбе ба шаҳрҳои Деҳнав ва Тирмиз, аз Панҷакент ба Самарқанду Бухоро, аз Хуҷанд ба шаҳрҳои Тошканду Фарғона, аз Шаҳритӯс ба Тирмиз, аз Исфара ва Конибодом ба Қӯқанд, Андиҷон, Намангон ва Фарғона раҳсипор мешаванд», - гуфт манбаъ.
Равуои автобусҳо ба шаҳрҳои Ӯзбекистонро аз ҷониби Тоҷикистон ширкати «Asian Express» анҷом дода, ширкати Ӯзбекистонро Агентии нақлиёти автомобилии ин кишвар муайян мекунад.
Нархи сафар ва ҷадвали равуои автобусҳо пас аз вохӯрии навбатии намояндагони ҳарду кишвар баъди 20 апрел дар Тошканд маълум мешаванд.
Қаблан дар Қушӯнҳои сарҳадии Тоҷикистон итминон дода буданд, ки зимни гузаштани сарҳад байни Тоҷикистону Ӯзбекистон мусофирон ба ҳеҷ мушкилие дучор нахоҳанд шуд.
«Дар қаламрави гузаргоҳи сарҳадӣ мусофирон аз автобус берун баромада, баъди санҷиши хеле кӯтоҳмуддати назорати сарҳадиву гумрукӣ ба сафар идома медиҳанд», - хабар дода буд ба «Азия-Плюс» котиби матбуотии Қушӯнҳои сарҳадии КДАМ Тоҷикистон Муҳаммад Улуғхоҷаев.
Қобили зикр аст, ки равуои автоубсҳо ва алоқаи ҳавоӣ байни шаҳрҳои Тоҷикистону Ӯзбекистон соли 1992 қатъ шуда буданд.
Аз моҳи апрели соли гузашта байни Тошканд ва Душанбе баъди танаффуси 25-сола алоқаи ҳавоӣ барқарор карда шуд.
Нимаи моҳи марти соли 2018 реҷаи раводид байни кишварҳо бекор шуда, акнун шаҳрвандони ҳарду давлат метавонанд бидуни раводид ба муҳлати 30 рӯз ба қаламрави ҳамдигар равуо намоянд.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста