Толибон* ба мардҳои дӯзандаи шаҳри Чорикор, маркази вилояти Парвон дастур додаанд, ки дигар аз таҳияи либосҳои занона даст кашанд, хабар медиҳад сомонаи телевизиони Тулӯънюз.
Ба навиштаи расона, масъулони Раёсати амр ба маъруф ва наҳй аз мункари Толибон ба мардҳои дӯзандаи шаҳри Чорикор ба таври шифоҳӣ дастур додаанд, ки дигар либоси занона надӯзанд ва дар сурати нодида гирифтани дастури мазкур, дӯконҳои онҳо баста мешавад.
Мухтор Сикандарӣ, як дӯзандаи либос гуфтааст, ки дар сурати риоя накардани дастури Толибон ва баста шудани дӯконашон ба мушкили молӣ рӯбарӯ хоҳанд шуд.
Масъулони Иттиҳодияи дӯзандаҳо дар Парвон зикр кардаанд, ки пас аз афзоиши маҳдудиятҳо ба кори мардҳои дӯзанда дар ин вилоят бештари онҳо корашонро аз даст дода, бархе ногузир ба тарки Афғонистон шудаанд.
“Тамоми мардҳои дӯзандае, ки либоси занона медӯхтанд бекор шуданд ва ҳатто баъзеяшон ба Эрон ҳиҷрат карданд”, - гуфтааст Имомуддин ном намояндаи умумии дӯзандагони Чорикор.
Муҳаммад Собир Қуддус, намояндаи дӯзандаҳои Парвон, низ таъкид кардааст, ки “дӯконҳо ҳамаашон рӯ ба муфлисӣ ҳастанд, зеро кор нест”.
Масъулони маҳаллии Парвон ин иддаоро рад карда, гуфтаанд, ки “ин дастури тавсиявӣ аст”.
Ҳикматуллоҳ Шамим, сухангӯи волии Парвон, гуфтааст: “Иҷозаи дӯхтани либос ас. Ягон мамнуъият нест, лекин вақте инҳо андозаро мегиранд ва ё занон худашон барояшон муроҷиат мекунанд, инҳоро раёсати амр ба маъруф манъ кардааст”.
Ёдовар мешавем, ки ин аввалин маҳдудияти Толибон барои аҳолии кишвар нест. Қаблан онҳо ба мактаб рафтани духтарони боло аз синфи шаш, ба кор рафтани занон дар ташкилотҳои хориҷӣ, ба боғҳои фарҳангиву фароғати рафтани занон, ба донишгоҳ рафтани донишҷӯдухтаронро низ манъ карда буданд.
Ин иқдомоти Толибон аз сӯйи ҷомеаи ҷаҳон вокунишҳои шадидро ба миён оварда буд, аммо намояндагони ин гуруҳ аз идомаи ҷорӣ кардани маҳдудиятҳо даст набардоштанд.
Толибон пас аз ғасби қудрат дар Афғонистон бо иҷро накардани пешартҳои ҷомеаи ҷаҳонӣ аз ҷониби ягон давлат то ба имрӯз ба расмият шинохта нашудааст. Баръакс, ҳамвора мавриди интиқодҳои созмонҳои байналмилалӣ ва ҷомеаи ҷаҳон қарор мегирад.
*Дар Тоҷикистон гурӯҳи террористӣ эътироф шудааст
Ҳар он чи дар Афғонистон рух медиҳад, метавонед мустақиман дар сужаи мо - "Афғонистон" бихонед.
Сафири Британияи Кабир дар Тоҷикистон иваз шуд
Тоҷикистониён кадом расонаҳоро бештар пайгирӣ мекунанд?
Маоши кам сабаби тарки соҳа кардани мутахассисон дар Агентии беҳдошти замин ва обёрӣ шудааст
Дар вилояти Курск кор дар таксиро барои муҳоҷирон манъ карданд
Дабири Шӯрои амнияти Қирғизистон “эҳтимоли табодули қитъаҳо” ҳангоми ҳалли баҳси марзӣ бо Тоҷикистонро истисно надонист
Интиқом барои террор дар “Крокус” ё чораҳои зиддитеррористӣ? Омили аслии бархӯрди шадиди Русия бо шаҳрвандони Тоҷикистон чист?
Сафири Амрико аз водии Рашт боздид кард
Вазири корҳои хориҷии Тоҷикистон сафири ИМА-ро ба ҳузур пазируфт
“Сомон Эйр” аз Хуҷанд ба Урумчӣ хатсайри мустақим роҳандозӣ мекунад
Огоҳии КҲФ аз обуҳавои номусоиди рӯзҳои наздик
Кулли ахбор
Авторизуйтесь, пожалуйста