Иззат Амон, раиси "Маркази тоҷикон" дар Маскав ва яке аз ҳомиёни ҳуқуқи муҳоҷирон дар Русия, ки рӯзи 25-уми март аз сӯйи маъмурони пулис дар Маскав боздошт шуда буд, ба "фаъолияти ғайриқонунӣ" муттаҳам шудааст. Бино ба иттилои Радиои "Озодӣ", дар ин маврид қарори Додгоҳи ноҳияи Твери шаҳри Маскав 4-уми марти имсол қабул шуда, 16-уми март ба иҷро даромадааст.
Гуфта мешавад, ба Иззат Амон хатари ихроҷ аз қаламрави Русия таҳдид мекунад. Ҳоло тибқи иттилои расонаҳо, дар куҷо қарор доштани Иззат Амон маълум нест, аммо ӯ дар як наворе, ки гуфта мешавад аз қабл сабт кардааст, иддао кардааст, ки ӯро "бо фармоиши мақомоти Тоҷикистон" ба кишвар равон мекунанд.
Аз сафорати Тоҷикистон дар Русия рӯзи панҷшанбе ба "Озодӣ" гуфтаанд, дар бораи боздошти Иззат Амон чизе намедонанд.
Бино ба навиштаи "Озодӣ", масъулони Додгоҳи ноҳияи Твери шаҳри Маскав хабар доданд, ки Холов Иззат Амонович (Иззат Амон)-ро бар асоси қисми дуи моддаи 18.10-и Кодекси ҳуқуқвайронкунии маъмурии Русия муҳокима карданд. Ин модда марбут ба шаҳрвандони хориҷӣ ё шахсони бешаҳрванд аст, ки дар Русия бе иҷозаи кор ё патент фаъолият мекунанд ва аз 5 то 7 ҳазор рубл ҷарима ва ихроҷ аз ҳудуди Русияро дар назар дорад.
Иззат Амон дар як наворе, ки ба назар мерасад пештар таҳия шудаасту 25-уми март дар шабакаи Ютуб гузоштанд, гуфтааст, аз соли 1996 шаҳрвандии Русияро дорад, вале чанд рӯз пеш шиносномаи ӯро бекор карданд.
Ӯ дар ин навор ба Владимир Путин гуфтааст, "вақте ин наворро мебинед, маънои онро дорад, ки аллакай дар ҳудуди Русия нестам. Маро ба Тоҷикистон мебаранд, то барои танқидҳоям аз кори мақомот зиндонӣ кунанд. Аз Шумо мехоҳам, ёрӣ кунед, то маро ба ҳудуди Русия баргардонанд ва шаҳрвандиямро барқарор кунанд".
Дар ин навор Иззат Амон ҳамчунин баъзе маъмурони ниҳодҳои вижаи Русия ва ҷониби Тоҷикистонро дар қазияи худаш гунаҳкор карда, аз вуҷуди муомила ва "пули калон" суҳбат мекунад.
То кунун мақомоти расмии Тоҷикистон дар ин бора ва қазияи боздошти Иззат Амон вокунише накардаанд.
Иззат Амон, ки замоне дар Русия Иттиҳоди ҷавонони Тоҷикистонро таъсис дода буд, соли 1973 дар ноҳияи Рӯдакӣ таваллуд шуда, соли 1997 риштаи иқтисоди Донишгоҳи миллии Тоҷикистонро хатм кардааст. Аз соли 2000-ум дар Маскав кору зиндагӣ мекунад. Хатмкардаи Академияи дипломатии назди Вазорати корҳои хориҷӣ ва Академияи хидмати давлатии назди дастгоҳи иҷроияи президенти Русия аст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Why do cybercriminals frequently target Tajikistan?
Tajikistan’s imports from Russia of petroleum product increases
Dushanbe authorities cannot yet decide on a new place to build a new zoo
No irrigation water shortage in Tajikistan this year, says Land Reclamation Agency head
‘In cities, people eat a lot of meat,’ Tajik official claims explaining rising meat prices in the country
Kremlin says Moscow is open to talks with Kiev, while Zelenskiy is in power but needs more details
New Russian laws will dramatically restrict migrants' rights, says migrant rights defender
The Ministry of energy names the main debtors for electricity
Ministry of Energy of Tajikistan hopes to secure funding confirmation for Roghun dam in August
Sanctions affect Afghanistan’s global relations, says Afghan official
All news
Авторизуйтесь, пожалуйста