Эрон тасмим гирифтааст, ки дар Тоҷикистон филиали Донишгоҳи Шаҳид Биҳиштиро боз кунад. Ин иқдом аз сӯи Баҳром Айнуллоҳӣ, вазири беҳдошт, дармон ва омӯзиши пизишкии Эрон расонаӣ шуд. Мақомоти Тоҷикистон мегӯянд, ки перомуни ин мавзӯъ ягон иттилоъ надоранд.
Вазири беҳдошт, дармон ва омӯзиши пизишкии Эрон дар маросими ифтитоҳи бемористоне дар шаҳри Буҳман гуфтааст, Тоҷикистон дар шумули кишварҳое ҳаст, ки дар онҳо Донишгоҳи Шаҳид Биҳиштӣ боз мешавад.
Ба гуфтаи Баҳром Айнуллоҳӣ, кишвари Эрон дар соҳаи тиб ва тандурустӣ мақоми хубро дар ҷаҳон касб кардааст ва ҳоло эҳтиёҷоти худро комилан қонеъ мекунад.
“Имрӯз мо на танҳо эҳтиёҷоти соҳаи тандурустии мамлакатро конеъ мегардонем, балки мамлакатҳои ҳамсояро ҳам метавонем, ки бо кадрҳои болаёқат таъмин намоем ва аз кишварҳои ҳамсоя барои табобат ба Эрон сафар мекунанд”, - афзудааст Айнуллоҳӣ.
Дар робита ба боз кардани Донишгоҳи Шаҳид Биҳиштӣ дар Тоҷикистон мақомот мегӯянд, то ба ҳол ягон иттилоъ надоранд.
Наврӯзи Ҷумъамурод, сухангӯи вазорати маориф ва илми Тоҷикистон ба "Азия-Плюс" гуфт, дар ин хусус ба вазорат аз ҷониби кишвари Эрон то ба имрӯз ҳеҷ гуна маълумоти расмӣ дастрас нашудааст.
Эмомалӣ Мирзоев, сухангӯи вазорати тандурустӣ ва ҳифзи иҷтимоии аҳолии Тоҷикистон низ дар сӯҳбат бо “Азия-Плюс” гуфт, перомуни ин масъала вазорати мазкур мактуби расмӣ нагирифтааст.
“Дар сафари охири Ҷамолиддин Абдуллозода, вазири тандурустӣ ва ҳифзи иҷтимоии аҳолии Тоҷикистон ба кишвари Эрон ҳам дар робита ба ин мавзӯъ ягон хел гуфтушунид анҷом нашудааст”, - гуфт Эмомалӣ Мирзоев.
Ба гуфтаи ӯ, тасмими ниҳоии мақомоти Тоҷикистон пас аз дидор ва гуфтушунидҳо бо ҷониби Эрон гирифта мешавад.
Ӯ афзуд, ки “интизор меравад, вобаста ба масъалаи мазкур масъулини марбутаи ин соҳа ва ректори Донишгоҳи Шаҳид Биҳиштӣ ба Тоҷикистон сафари корӣ анҷом диҳанд”.
Ёдовар мешавем, ки Донишгоҳи Шаҳиди Биҳиштӣ яке аз донишгоҳҳои давлатии Эрон буда, дорои 19 факулта, 3 корпус ва 16 пажӯҳишгоҳи илмӣ ва марказҳои омӯзишӣ ва тадқиқотӣ мебошад. Дар ҳоли ҳозир доктор Сайид Маҳмудризо Оқомирӣ ректори ин донишгоҳ аст.
Emomali Rahmon to pay an official visit to Russia
Butcher's shops in Dushanbe: how sellers set prices and what buyers are displeased about
A working group has been established in Tajikistan to combat maternal and child mortality
A step back. How the closure of USAID affects Tajikistan's agrarian sector
Tajikistan intends to attract Saudi ACWA Power to build solar power plants
Kyrgyz leader proposes Central Asian nations to introduce visa-free regime and single visa for guests from other countries
Increasing emphasis on cooperation between Central Asia’s nations is a positive trend
BCPs along Tajikistan’s common border with Kyrgyzstan: map and schedule of their operation
“We are in favor of it, but there are nuances. We are advancing almost everywhere,” says Putin
Tajikistan, Kyrgyzstan discuss the launch of joint ventures
All news
Авторизуйтесь, пожалуйста