Қазоқистон бо Тоҷикистон дар бораи интиқоли об тариқи обанбори “Баҳри тоҷик” (собиқ Қайроққум), ки аз Тӯхтагул партоб мешавад, созиш ҳосил кард, иттилоъ медиҳад хабаргузории “Казинформ” бо истинод ба вазири экология, геология ва захираҳои табиии Қазоқистон Сериккали Брекешев.
Ин ҷо сари интиқоли об аз ҷониби Тоҷикистон дар мавсими обёрӣ, ки Қазоқистон аз ҳисоби ҳиссаи Қирғизистон дар дарёи фаромарзии Сирдарё мегирад, сухан меравад.
“Ҳамчунин шартҳои истифодаи обанбори “Баҳри тоҷик” низ мувофиқа шуданд. Шартҳои мазкур дар шаҳри Душанбе дар протоколи сеҷониба (Тоҷикистон, Ӯзбекистон ва Қазоқистон) зикр шудааст”, - гуфтааст Брекешев.
Дар хабар саҳеҳ маълумот дода намешавад, ки ба ивази захираҳои обӣ аз ҳисоби лимити Тоҷикистон ин кишварҳо чӣ медиҳанд.
Тобистони соли равон зикр шуда буд, ки Қазоқистон ва Ӯзбекистон реҷаи кори обанбори “Баҳри тоҷик”-ро дар давраи авҷи мавсими обёрӣ бо Тоҷикистон мувофиқа мекунанд, то ки кишоварзони вилоятҳои Қизилорда ва Туркистон бо об таъмин карда шаванд.
Қобили зикр аст, ки солҳои ахир дар минтақаҳои ҷануби Қазоқистон камбуди об ба мушоҳида мерасад.
Ёдрас мекунем, ки дар мавсими обёрии соли гузашта Қазоқистон ба ивази об ба Тоҷикистон техника ва бо нархҳои дастрас сӯзишворӣ дод.
Қаблан зикр гардида буд, ки аз соли 2015 ҳаҷми (лимити) обгирии Тоҷикистон аз Сирдарё дар мавсими обёрӣ (моҳҳои апрел-сентябр) 1 млрд 910 млн метри мукааб муқаррар мешавад. Аммо дар амал ҷумҳурӣ ҳамасола ҳиссаи худро пурра намегирад. Ба ин тариқ, дар давраи баҳору тобистони соли 2020 Тоҷикистон аз Сирдарё 1 млрд 450 млн метри мукааб об гирифт, ки 460 млн метри мукааб ё худ 24% камтар аз ҳаҷми пешбинишуда мебошад.
В роддомах Таджикистана создадут электронную систему регистрации рождений и смертей
В Норвегии детям до 15 лет запретят пользоваться соцсетями
В Душанбе началась Международная универсальная выставка-ярмарка «Таджикистан-2024»
В Таджикистане города не предназначены для жизни людей с ограниченными возможностями
Во всех аэропортах Турции объявлен «оранжевый» уровень тревоги в связи с возможными терактами
Нацбанк Таджикистана выдал лицензию «Инвестиционно-кредитному банку»
Очередной крупный чемпионат в Таджикистане. Душанбе примет первенство по самбо среди мастеров
Кто съел самый высокий национальный торт, приготовленный в Душанбе?
В Согде 60 женщин получили гранты от председателя области
Самка снежного барса из Таджикистана принесла котят в российском заповеднике
Все новости
Авторизуйтесь, пожалуйста