Мавзуна Чориева, муштзани машҳури тоҷик, дорандаи медали биринҷии Олипиадаи Лондон-2012 дар мусобиқаи кушодаи қаҳрамонии Чин оид ба бокс медали нуқра ба даст овард.

 Бино ба иттилои Кумитаи миллии олимпии Тоҷикистон, дар ин мусобиқа дар шаҳри Гуяни Чин бо ширкати 139 варзишгар (112 мард ва 27 зан) аз 17 кишвар, бо раҳбарии Мирзо Шамсиев, сармураббии мунтахаби бокси  Тоҷикистон се муштзани тоҷик  - Мавзуна Чориева, Анвар Юнусов ва Светлана Веглина низ ширкат варзидаанд.

Ба иттилои манбаъ, дар мусобиқот миёни занон дар вазни то 60 кило Мавзуна Чориева баъди пирӯзӣ дар се қувваозмоӣ бар муштзанони Муғулистону Чин ва Тайиланд ба даври ниҳоӣ роҳхат гирифта, вале дар қувваозмоии ниҳоӣ аз аз муштазани рақами яки дастаи мунтахаби Чин Янгу Чун Хуа бо ҳисоби 0 бар 3 шикаст хӯрдааст.

Светлана Веглина дар вазни то 51 кило дар давраи аввали қувваозмоиҳо аз варзишгари Кореяи Шимолӣ, ки минбаъдар ин вазн ғолиб омад, шикаст хӯрд. Дар рақобати давраи аввал дар вазни то 60 кило муштзани тоҷик Анвар Юнусов низ аз зарбаи ҳарифаш аз Қазоқистон аз сараш ҷароҳати вазнин бардошта, табибон ба идомаи қуввваозмойӣ ба ӯ иҷозат надоданд.

Акнун муштазанони тоҷик ба Бозиҳои XVII-уми Осиё, ки моҳи сентябр дар Кореяи Ҷанубӣ доир мегардад омодагӣ мегиранд.