Ҳимоятгари дастаи мунтахаби футболи ҷовонони Тоҷикистон Хуршед Бекназаровро Конфедератсияи футболи Осиё (КФО) барои истеъмоли допинг ду сол аз бозӣ маҳрум кард. Дар ин бора хабаргузории Рейтер итилоъ медиҳад.

Ҳимоятгари 20-сола санаи 14-уми сентябр пас аз бозии дастаҳои мунтахаби футболи Тоҷикистону Сингапур адр Бозиҳои Осиё аз ташхис гузашта, дар хуни футболбоз маводи манъшуда бо номи метилгексанамин дарёфт шуд.

Манъи иштироки футболбози 20-солаи дастаи «Регар-ТадАЗ»-и Турсунзода дар тамоми вохӯриҳо, ҳам расмиву дӯстона ва ҳам дар сатҳи милливу байнулмилалӣ амал мекунад.

Хуршед Бекназаров тарбиятдидаи мактаби футболи шаҳри Қӯрғонтеппа аст. Дар давраи аввали мавсими имсола ӯ дар дастаи «Вахш» бозӣ кардаа, капитани даста буд. Дар нимаи мавсим футболбоз ба дастаи «Регар-ТадАЗ»-и шаҳри Турсунзода гузашт.