Дар Рӯзи дави миллии ҳамасолаи Тоҷикистон, ки санаи 15 май доир гардид, тақрибан ҳар як 21-умин шаҳрванди Тоҷикистон ширкат варзид.
Бино ба иттилои дафтари матбуоти Кумитаи миллии олимпии Тоҷикистон (КМО ҶТ), Рӯзи дави миллӣ бо иштироки афроди синну соли мухталиф дар саросари кишвар доир гардид ва ба гуфтаи масъулон, дар он тақрибан ҳудуди 400 ҳазор нафар афроди касбу кори гуногун ширкат карданд. Танҳо дар шаҳри Душанбе ҳудуди 40 ҳазор нафар дар дави миллӣ иштирок намуданд.
Гуфта мешавад, сокинони пойтахт дар ин мусобиқа ҳудуди беш аз 10 километрро тай карда, аз маҳаллаи Чорбоғ то майдони "Наврӯзгоҳ" миёни ҳам рақобат карданд. Дар дави миллӣ намояндагони аксари корхонаву ташкилотҳо ширкат намуданд ва ба гуфтаи масъулин, донишҷӯёни макотиби олӣ аз ҳама фаъолтар буданд.
Ба гуфтаи ташкилкунандагони ин чорабинӣ, дар ин маърака ғолибон муайян намегарданд ва он танҳо ба хотири оммавияти варзиш, ихтисос дода шудааст.
Ёдрас мекунем, ки Рӯзи дави миллӣ бо фармони президенти Тоҷикистон сар аз соли 2007 ҳар сол якшанбеи севуми моҳи май дар ҳамаи манотиқи ҷумҳурӣ барпо мегардад.
Қобили зикр аст, ки аввали сол шумори аҳолии Тоҷикистон ба ҳудуди 8,4 млн. нафар расид. Ғайр аз ин, айни замон наздики 1 млн. шаҳрвандони Тоҷикистон дар Русия қарор доранд.
С праздником Иди Курбон!
Иди Курбон-2024: Что нужно знать о самом главном празднике в исламе?
Суд в Бишкеке оправдал обвиняемых по Кемпир‑Абадскому делу
Как и для кого работает Центр реабилитации инвалидов в Душанбе?
Опасность схода селей сохраняется, пострадавшие ранее от стихии получили помощь
Где в Душанбе можно заняться вокалом?
Зарина Рахмон стала первым заместителем главы «Ориёнбанка»
«Я наточила перо на врага…». Зульфие Атои - 70 лет
Силовым структурам Баткена и Согда дали поручения по обеспечению общественной безопасности
Стали известны соперники молодежных сборных U-20 и U-17 Таджикистана на Кубке Азии - 2025
Все новости
Авторизуйтесь, пожалуйста