Баррасаии парвандаи пурсарусадои Руфейда Иноятова, ки интизор мерафт, имрӯз дар Додгоҳи олӣ баргузор гардад, ба таъхир афтод. Дар ин бора ба «Азия-Плюс» яке аз наздикони хонаводаи Руфейда иттилоъ дод.
Ба гуфтаи номбурда, бо сабаби ҳозир нагардидани яке аз намояндагони додгоҳ баррасии парванда ба пагоҳ - 12 октябр гузошта шуд.
Бояд гуфт, ки субҳи имрӯз, падари Руфейда - Валиҷон Иноятов хабар дода буд, ки баъд аз се моҳи қатли пурсарусадои духтараш баррасии парванда пушти дарҳои баста оғоз мешавад.
Мавсуф гуфт, парвандаро Додгоҳи олии Тоҷикистон баррасӣ мекунад. Гуфта мешавад, ки дар курсии айбдорӣ ҳамсояи ин ноболиғ ва падари дугонаи Рафайда, Раҳматулло Гадоеви 30-сола нишастааст.
Ба гуфтаи Иноятов, сарфи назар аз дархости онҳо, ҷаласаи додгоҳ паси дарҳои баста ҷараён мегирад.
Ёдовар мешавем, ки Руфейда рӯзи 4-уми июли соли равон аз хона ба ҳоҷатхона (дар кӯча воқеъ аст) баромада бедарак шуд. Як рӯз пас ҷасади Руфейдаро аз ҳоҷатхонаи ҳамсоя пайдо карданд. Кормандони шуъбаи дуюми раёсати кофтукови ҷиноятиии ВКД Тоҷикистон, субҳи 6 июл бо гумони қатли ин ноболиғ, Раҳматулло Гадоеви 30-соларо боздошт кардаанд, ки дар ҳамсоягӣ ба сар мебарад.
Саида Иноятова аммаи Руфейда ки бархе ҷузъиёти ҳодисаро расонаӣ карда буд, навишт: Падари дугонаи Руфейда бо роҳи фиреб ноболиғро ба хона дароварда, таҷовуз карда, сипас духтаракро пора – пора намуда, узвҳои баданашро дар халтачаҳо алоҳида – алоҳида гирифта, ба ҳоҷатхона мепартояд”.
Қазияи куштор ва пора кардани ҷасади Руфайда яке аз пурсарусадотарин ҳаводиси чанд моҳи охир аст. Баъд аз воқеа намояндагони ҷомеаи шаҳрвандӣ талаб карданд, ки ин қазия мунсифона баррасӣ шавад. Раиси палатаи болоии порлумон, Рустами Эмомалӣ ба муроҷиати ҷомеаи шаҳрвандӣ вокуниш карда, гуфт, қазия таҳти назорати қатъиаш қарор дорад.
Сбор и сортировка мусора: Таджикистан принимает участие в «Евразийском Кубке Чистоты»
Задолженность по зарплате в Таджикистане превысила 2,5 млн долларов
Из 21 века в сказку древних времен. Интересные факты о «Худжандской крепости»
В Таджикистане свыше 142 тыс. сомони похищено при строительстве столовой в Центре тестирования
В Душанбе состоится конференция женщин журналисток
Таджикским мигрантам не разрешают въезжать в Россию из Казахстана?
МВД Таджикистана приглашает граждан стать мобильными журналистами для борьбы с преступностью
«Хотел освободить парня от службы». Замглавы Шахритуса задержан за взятку в 5 тысяч сомони
Против участников конфликта в Гиссаре, попавшего на видео, составлены протоколы
Мосгорсуд признал законным арест фигуранта дела о теракте в "Крокусе"
Все новости
Авторизуйтесь, пожалуйста