Давоми сол нарху тарифҳо дар Тоҷикистон 11,7 фоиз боло мераванд. Таҳлилгарони Бонки авруосиёгии рушд (БАОР) сабабҳои ин омилро «самараи кӯтоҳмуҳлати шароитҳои номусоиди обуҳаво ва афзоиши тағйирпазирии қурби табодули асъор» унвон мекунанд.

«Хатарҳои пурзӯр шудани фишори таваррум боқӣ монда, ба эҳтимоли зиёд ба бештар эҳтиёткор шудани тарзи муносибати танзимгар нисбати коҳиши меъёрҳои калидӣ дар давоми боқимондаи сол боис мегардад», - гуфта мешавад дар гузориши БАОР.

Муаллифони гузориш бар ин назаранд, ки таварруми босуръат ба беқурбшавии сомонӣ ва хеле кам шудани пешниҳод вобаста буда, агар аз рӯи натиҷаҳои моҳи июни соли 2017 дар ҳоли аз ҷониби Бонки миллӣ 7,0 фоиз пешбинӣ шудани мизони таварруми солона, ин нишондиҳанда 9 фоизро ташкил дод.

«Болоравии нархҳо дар бахши истеъмолӣ дар партави 31 фоиз афзоиши индекси нархҳои маҳсулоти кишоварзӣ босуръат зиёд мешавад ва давоми моҳҳои январ-июни соли 2017 пешниҳоди картошка, сабзӣ ва пиёз кам шуда, дар натиҷа нархҳои чакана беш аз ду баробар афзуданд ва сомонӣ ҳар моҳ нисбат ба моҳи гузашта тақрибан 2 фоиз беқурб мешавад, - қайд мешавад дар гузориш.

Мувофиқи пешгӯиҳои таҳлилгарони БАОР, қурби мубодилаи пули миллии Тоҷикистон нисбати доллар то охири сол ба 8,5 сомонӣ (барои 1 доллар) мерасад.