Айни замон интиқоли барқ ба кишвари ҳамсоя дар ҳаҷми начандон зиёд ба хотири коршоям нигоҳ доштани хатҳои интиқоли барқ амалӣ мешавад.
«Аз 1 октябри соли гузашта ба вилояти Кундузи Афғонистон ҳамагӣ то 50 мегаватт нерӯи барқ интиқол дода мешавад. Дар навбати аввал ин барои нигаҳдории коршоямии хатҳои интиқоли барқ анҷом мепазирад, чунки агар онҳо зери шиддати ҷараёни барқ қарор надошта бошанд, эҳтимоли дуздии онҳо имкон дорад. Ҷониби Афғонистон афзоиши ҳаҷми интиқолро дархост намуд, лекин мо ба онҳо фаҳмонидем, ки ин дархосташонро иҷро карда наметавонем», - гуфт зимни нишасти хабарӣ вазири энергетика ва захираҳои оби Тоҷикистон Усмоналӣ Усмонзода.
Бино ба гуфтаи ӯ, дар мавсими тобистон Тоҷикистон Афғонистонро дар ҳама гуна ҳаҷм бо нерӯи барқ таъмин карда метавонад.
«Мавсими тобистони соли гузашта мо партоби холии оби баробар ба истеҳсоли беш аз 10 млрд. кВт/соат нерӯи барқро анҷом додем, аммо ҳаҷми дархосткардаи кишвари ҳамсоя аз 320 мегаватт зиёдтар набуд», - иброз дошт вазир.
Зимнан таъкид шуд, ки нархи фурӯши барқ ба Афғонистон 4 сент (каме бештар аз 35 дирам) барои 1 кВт/соат муқаррар шудааст. «Тарифи миёна барои истеъмолгарон дар дохили кишвар соли гузашта 17,6 дирамро ташкил дод», - илова намуд Усмонзода.
Тибқи маълумоти Вазорат, соли 2017 Тоҷикистон ба Афғонистон ба маблағи 456 млн. сомонӣ (беш аз 50 млн. доллар) зиёда аз 1,3 млрд. кВт/соат нерӯи барқ содирот кардааст.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
Как таджикский радиолюбитель побывал в самых отдаленных уголках планеты
«Человек-911». В память о Джахангире Мамедове
Юлдуз Усманова стала Народным хафизом Таджикистана
Таджикистан получит от USAID $18 миллионов для развития бизнеса
Таджикистан и Узбекистан стали союзниками
Что обсудили президенты Таджикистана и Узбекистана на встрече в Душанбе?
Таджикско-Узбекская инвестиционная компания планирует реализовать 14 проектов на $135 миллионов
Правда ли, что средняя цена тарифа на 10 ГБ в Таджикистане составляет 13,77 доллара или около 150 сомони?
Мигрантофобия в России. Как она отразится на таджикских мигрантах?
ЕФСР оценил потенциальное влияние стихийных бедствий на устойчивость Таджикистана
Все новости
Авторизуйтесь, пожалуйста