Сабикаҳои тиллои ченшуда, ки аз ҷониби Бонки миллии Тоҷикистон (БМТ) фурӯхта мешаванд, аз оғози соли ба ҳисоби мёна 32,9% гарон шуданд.

Бино ба маълумоти БМТ, арзиши сабикаи 5-грамма дар ин давра ба андозаи 31,9%, 10-грамма - 32,8%, 20-грамма - 33%, 50-грамма - 33,4% ва 100-грамма - 33,5% боло рафтааст.

Нархи сабикаи тиллоии вазнаш 5 грамм имрӯз, 12 октябр - 3350 сомонӣ, 10 грамм - 6612 сомонӣ, 20 грамм- 13076 сомонӣ, 50 грамм - 32446 сомонӣ ва 100 грамм - 64724 сомонӣ муқаррар шудааст.

Нархи харид аз ҷониби Бонки миллӣ чунин аст: 5 грамм - 2479 сомонӣ, 10 грамм - 4871 омонӣ, 20 грамм - 9596 сомонӣ, 50 грамм - 23754 сомонӣ ва 10 грамм - 47343 сомонӣ.

Арзиши сабикаҳои тиллоӣ мувофиқи нарх барои се унсия (31,1034768 грамм)-и тилло ва аз рӯйи натиҷаҳои савдои биржавии асъори хориҷӣ (фиксинг) дар Лондон муайян карда мешавад. Ба ғайр аз ин, хароҷоти воқеӣ барои тайёр кардани сабикаҳои ченшуда, масрафоти нақлиёту суғурта ва боҷҳои гумрукӣ низ ҳисоб мешавад.

Бонки миллии Тоҷикистон моҳи июни соли 2017 сабикаҳои тиллои ченшудаи поккорикардаро ба муомилоти озод баровард.

Раиси БМТ Ҷамшед Нурмаҳмадзода 5 феврали соли равон зимни нишасти матбуотӣ хабар дод, ки то ин дам ба аҳолӣ 50 кило сабикаҳои тилло фурӯхта шудааст. Ӯ зикр кард, ки дар анборҳои БМТ боз 100 кило сабикаҳо тилло харидорони худро интизоранд.

Бо пешниҳоди шиноснома ҳар як шаҳрванди ҷумҳурӣ сабикаи тилло харида метавонад. Дигар ҳуҷҷати иловагӣ талаб карда намешавад. Дар ҳамин ҳол маҳдудияти фурӯш вуҷуд дорад: ба 1 нафар 1 кило дар як сол.

Сабикаҳо аз ҷониби Департаменти гардиши пул ва амалиёти хазинавии БМТ дар Душанбе, ки дар бинои кӯҳнаи бонк воқеъ аст, фурӯхта мешаванд.

Хариду фурӯши сабикаҳои тиллои ченшуда бо асъори миллӣ - сомонӣ анҷом дода мешаванд.

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.