Шурӯъ аз 1-уми январи соли 2024 дар Тоҷикистон нархи истифодаи барқ барои ҳама категорияи истеъмонкунандагон 16 дарсад афзоиш меёбад.
Яъне аз оғози соли нав истеъмолкунандагони маишӣ, яъне аҳолӣ барои ҳар киловатт - соат барқ ба ҷои 26,51 дирам (2,4 сент) 30,75 дирам (2,8 сент) пардохт хоҳанд кард.
То соли 2016 нархи барқ танҳо дар солҳои ҷуфт ва баъд аз он ҳар сол боло бурда мешуданд. Истисно солҳои 2020 ва 2021 буд, ки ҳукумат бинобар оқибатҳои пандемияи COVID-19 аз ин боло бурдани нархи барқ худдорӣ кард.
Ҳар замоне, ки нархи барқ дар Тоҷикистон боло бурда мешавад, раҳбарияти ширкати “Барқи тоҷик” баҳона пеш меорад, ки нархи пешинаи барқ хароҷоти истеҳсоли онро ҷуброн намепӯшонад.
Иддао пеш оварда мешуд, ки гӯё арзонтарин нерӯи барқ дар Осиёи Марказӣ маҳз дар Тоҷикистон фурӯхта мешавад.
Аммо арқоми расмӣ аз он гувоҳӣ медиҳанд, ки ин иддао дуруст нест: танҳо дар Қазоқистон қимати барқ бештар аз Тоҷикистон аст. Дар Ӯзбекистон ва Қирғизистон арзонтар аз Тоҷикистон буда, оид ба Туркманистон маълумоти эътимодбахш нест.
Ин ҳам дар ҳоле, ки дар Қазоқистону Ӯзбекистону Туркманистон 80-90 дарсади нерӯи барқ дар нерӯгоҳҳои барқи ҳароратӣ истеҳмол шуда, дар Тоҷикистон 93 дарсади нерӯи барқ дар нерӯгоҳҳои барқи обӣ тавлид мешавад. Арзиши барқе, ки дар неругоҳҳои барқи обӣ тавлид мешаванд, ба гуфтаи мутахассисон, назар ба барқи дар нерӯгоҳҳои барқи ҳароратӣ бамаротиб арзонтар аст.
Ҳамчунин, ҳангоми қабули қарор оид ба боло бурдани нархи барқ ҳукумат бояд қобилияти пардохтпазирии аҳолиро низ ба назар гирад: маоши миёна дар Тоҷикистон пасттарин дар минтақа мебошад.
Болоравии нархи барқ бешубҳа боиси боло рафтани нархи маводи истеъмолӣ, бахусус молҳое, ки ба сабади истеъмолии маъмулӣ дохил мешаванд, мегардад.
Майские змеи в горах Таджикистана: как защититься и оказать первую помощь?
Четверым оставшимся фигурантам дела о теракте в «Крокусе» также продлили срок ареста
ЕБРР будет стимулировать молодежное и женское предпринимательство в Таджикистане
ЮНЕСКО составила рейтинг стран по количеству студентов, обучающихся за границей
В Душанбе арестован мулло - многоженец за мошенничество
В Таджикистане ужесточают уголовную ответственность за препятствование обучению в школе
Камчыбек Ташиев заявил о завершении «чистки» Жогорку Кенеша от людей Матраимовых
Таджикистанцы впервые приняли участие в турнире по робототехнике в США
Сеть АЗС «Ориё» представила новую марку бензина «Z power 100»
Эмомали Рахмон поздравил Касым-Жомарта Токаева с днем рождения
Все новости
Авторизуйтесь, пожалуйста