То моҳи июли соли 2024 қарзи давлатии Тоҷикистон 3,6 млрд долларро ташкил дод, ки ба 23,7%-и Маҷмӯи маҳсулоти дохилӣ (ММД) баробар аст. Дар ин бора имрӯз, 9 август зимни нишасти матбуотӣ муовини вазири молияи ҷумҳурӣ Юсуф Маҷидӣ хабар дод.
Аз ин маблағ 3,2 млрд доллар (88%) қарзи хориҷӣ ва ҳудуди 400 млн доллар (12%) қарзи дохилӣ мебошад. Ҳаҷми умумии қарзи беруна ба 23,7%-и ММД баробар аст.
Дар нимсолаи аввали соли 2024 барои пардохти қарзи хориҷии ҷумҳурӣ 135 млн доллар, аз ҷумла барои пардохти қарзи асосӣ 92,2 млн доллар ва фоизҳо - 42,8 млн доллар равона шудааст.
Таъмини иҷрои уҳдадориҳои молиявии давлат дар доираи нақшаи тасдиқшуда амалӣ гардида, қарзҳо ба созмонҳои байнулмилалии молиявӣ ва давлатҳои ҷудогона вуҷуд надоранд.
Ба гуфтаи Юсуф Маҷидӣ, барои пардохти қарзи беруна Тоҷикистон ҳамасола на зиёдтар аз 10%-и буҷети худро масраф мекунад.
Қарздиҳандаи бузург ба Тоҷикистон Чин мебошад, ки ҷумҳурӣ ба он ҳудуди 900 млн доллар қарздор аст. Ҳамчунин аз Бонки ҷаҳонӣ, Бонки осиёии рушд, Бонки исломии рушд ва Бонки аврупоии таҷдиду рушд низ қарзҳо нисбатан зиёданд.
Тоҷикистон инчунин аз евробондҳо (500 млн доллар) қарздор аст, ки соли 2017 барои идомаи сохтмони неругоҳи барқи обии “Роғун” ҷалб шуда буданд. Ин қарз мувофиқи ҷадвали тасдиқшуда пардохт мешавад.
Полезные знания и музыкальный драйв. Фестиваль финансовой грамотности вновь пройдет в Душанбе
Дело о теракте в «Крокусе»: семья из Таджикистана знала о подготовке нападения
Душанбинский драмтеатр имени Маяковского отправился на гастроли в Россию
В Таджикистане увеличат размер социального пособия малоимущим
Юбилей Первого Микрофинансового Банка: 20 лет на службе людям
В Казахстане инвалидность будут устанавливать независимые эксперты
Президент Таджикистана призвал международное сообщество к солидарности для противостояния общим вызовам
Рахмон и Пезешкиан договорились наращивать экономическое сотрудничество
Почему Таджикистан не одержал ни одной победы на ЧМ-2024 в Узбекистане?
Таджикистанец Мустафо Ахмедов взял серебро на турнире по борьбе в Казахстане
Все новости
Авторизуйтесь, пожалуйста