Дар ноҳияи Деваштичи вилояти Суғд ду узви як оила аз дуди ангишт зарҳролуд шуда, яке фавтида, дуюмӣ дар ҳолати вазнин қарор дорад. Ҳодисаи заҳролудшавӣ аз ангишт шаби 5-уми январи соли равон дар деҳаи Қалъаи Дӯст, ҷамоати деҳоти Ваҳдати ноҳияи Деваштич рух додааст.
Ҳоҷисайдалӣ Саидов, раиси кумитаи маҳаллаи деҳаи Қалъи Дӯст дар суҳбат бо “Азия-Плюс” , гуфт, заҳролудшудаҳо зану шавҳар Ҳоҷисаидбаён Саидмуродови 80-сола ва Нурӣ Саидмуродоваи 77-сола мебошанд.
Ӯ бо истинод ба Саидаброр Саидмуродов фарзанди марҳум афзуд, ки ҳодиса шаби 4-5-уми рух додааст ва вақте онҳо субҳ ба дидорбинии онҳо рафтанд, аллакай падараш фавтидаву модараш аз ҳуш рафта буд.
Гуфта мешавад, ки онҳо танҳо мезистанд ва эҳтимол вақте дуд хонаро фаро гирифт, онҳо хоб буданд.
Ҳоло рӯзи чорум аст, ки Саидмуродова Нурӣ дар шуъбаи эҳёи беморхонаи марказӣ бистарӣ аст.
Келдимурод Қодиров, духтури шӯъбаи эҳёи Беморхонаи марказии ноҳияи Деваштич дар суҳбат бо “Азия-Плюс” ҳолати занро миёна арзиёбӣ кард ва гуфт пагоҳ ба шуъбаи табобатӣ мегузронанд.
“Соати 9:00-и рӯзи 5-уми январ бемор, Нурӣ Саидмуродоваро ба беморхона оварданд, ки дараҷаи заҳролудшавӣ вазнин ва беҳуш буд. Бо воситаи кислород ва дигар кӯмаки аввалияи тиббӣ организми занро аз гази карбон тоза кардем”, - гуфт ӯ.
Ба иттилои номбурда, давоми як ҳафтаи соли равон ин дуввумин ҳодисаи заҳролудшавии сокинони ноҳия аст. Рӯзи 2-юми январ як ҷавон аз деҳаи Хуҷаҳои ҷамоати деҳоти Ваҳдат бо аломатҳои заҳролудшавӣ бистарӣ шуда буд.
Ёдовар мешавем, ки ҳамасола дар фасли сармо сокинон, ба хусус дар деҳот барои гарм намудани хонаҳояшон аз ангишт истифода менамоянд. Роҳҳои нодурусти истифодаи ангишт боиси заҳролудшавии инсон мегардад, ки оқибаташ ҳатто марг буда метавонад.
Расследование дела о теракте в «Крокусе» завершено
Генсек ООН предостерёг Трампа от этнических чисток в Газе
В Таджикистан снова вернется зима
«Суровый приговор» и «суд не учёл младенца». Реакция на тюремный срок Рухшоны Хакимовой
Филиал IRS в Таджикистане ищет поставщиков дорожного нефтяного битума
Трамп запретил трансгендерам участвовать в женских соревнованиях
В прошлом году пенсионерам Таджикистана подняли пенсии на $10
Назван новый духовный лидер исмаилитов
Азербайджан выделил $1 миллион на гуманитарную помощь Украине
ЦРУ предложило своим сотрудникам уволиться за денежную компенсацию
Все новости
Авторизуйтесь, пожалуйста