Дар натиҷаи боридани борони зиёд ва омадани сел дар шаҳри Ваҳдат ва ноҳияи Рӯдакӣ 13 нафар ба ҳалокат расиданд. Дар ин бора Хадамоти матбуотиии раисҷумҳури Тоҷикистон хабар медиҳад ва мегӯяд, Эмомалӣ Раҳмон, президенти кишвар ба оилаи ҳалокшудагон ҳамдардӣ изҳор кард.

Манбаъ менависад, дирӯз, бар асари рух додани офати табиӣ 11 нафар дар шаҳри Ваҳдат ва 2 нафар дар ноҳияи Рӯдакӣ ба ҳалокат расиданд.

“Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба аҳли хонавода ва бозмондагони шахсони ҳалокшуда изҳори ҳамдардӣ намуданд”,-менависад Хадамоти матбуоти президент.

Эмомалӣ Раҳмон ба Қоҳир Расулзода, сарвазири мамлакат, Кумитаи ҳолатҳои фавқулода ва мудофиаи гражданӣ ва дигар сохтору мақомоти дахлдор супориш додааст, ки ба оилаҳои шахсони дар натиҷаи офати табиӣ баҳалокатрасида кумак расонида, доир ба бартараф намудани оқибатҳои офати табиӣ чораҳои фаврӣ андешанд.

Ёдовар мешавем, ки дирӯз, 27-уми август боришоти борони шадид дар кишвар рух дод, ки дар натиҷа хисороти молӣ дар пай дорад.

Азия-Плюс

Боришти борон ба роҳҳои аҳамияти байналмиалидошта ва маҳҳалӣ зарарр расонид. Аз ҷумла, ҳавои номусоид дар шоҳроҳи Душанбе-Чанок, ки аз ҷониби ширкати “IRS” нигоҳдорӣ мешавад, боиси обхезӣ, ярч ва сангрезиҳо гардид.

Азия-Плюс

Бино ба иттилои филиали ин ширкат, харобшавӣ асосан дар минтақаи Варзоб ба қайд гирифта шудааст.

Азия-Плюс

Дирӯз ҳаракати нақлиёт дар шоҳроҳ қатъ карда шуда буд.

IRS

Ин ширкат иддао дорад, ки кормандонаш тамоми имконро анҷом додаанд, то ронандагон ва мусофиронро ба ҷойҳои амн эвакуатсия кунанд.

Азия-Плюс

Дар бораи хисороти молии боришоти дирӯза маълумот дастрас нест.

Ёдовар мешавем, ки қаблан ҳавошиносон аз 27-28 август дар бораи ҳавои ноустувор ҳушдор дода буданд.