Дар шаҳри Истаравшан як ҷавон хоҳарбузургашро бо корд кӯшта, “хушдор”-и ӯро захмӣ кардааст. Дар ин бора Акбар Шарифӣ, сухангӯи Раёсати ВКД дар вилояти Суғд дар барномаи “Милитсия хабар медиҳад” иттилоъ додааст.
Манбаъ аз ин ҷавон Ҳукмиддин Салоҳиддинови 38-сола, сокини ҷамоати Гули сурхи шаҳри Истаравшан ном бурдааст, ки барои куштори хоҳарбузурги худ Шодиой Салоҳиддинова ва қасди куштори Шаҳзод Раҳимови 30-сола, марде, ки бо хоҳараш муносибат дошт, боздошт шудааст.
Ҳодиса 26-уми августи соли ҷорӣ дар хонаи саҳроӣ рух дода, ҷавон бо мақсади муҳокимаи муносибати хоҳараш бо Шаҳзод Раҳимови 30-сола ӯро ба мавзеи мазкур мебарад ва ӯро бо 9 зарби корд ба ҳалокат мерасонад.
“Гумонбаршуда махсус ин макони хилвати аз чашми мардум дур воқеъбударо интихоб мекунад, то бо Шаҳзод Раҳимови 30-сола муносибати ошиқона доштани хоҳарбузургашро муҳокима намояд. Аммо баҳси лафзӣ миёни апаву додар ба фоҷеаи хунин анҷомидааст” – шарҳ додааст ин ниҳод.
РВКД дар вилояти Суғд мегӯяд, худи ҳамон рӯз, 26-уми август Ҳукмиддин Салоҳиддинов дар канори роҳи хиёбони Истиқлоли шаҳри Истаравшан бо корд ба гардани Шаҳзод Раҳимов мезанад ва ӯ аз дасти ҷавон раҳо хурда, ҷон ба саломат мебарад.
“Аз сабаби муносибати наздики “дӯстӣ” доштани онҳо оилаи хоҳарам вайрон шуд ва шавҳараш ӯро талоқ дод. Ман пеши худ мақсад гузоштам, ки он ҷавонро ҷазо диҳам”, -иқрор мешавад Ҳукмиддин Салоҳиддинов дар наворе, ки Раёсат пахш кард.
Нисбати Салоҳиддинов барои одамкушӣ ё моддаи 104-и парвандаи ҷиноятӣ боз шуда, гумонбар дар ҳабси пешакӣ қарор дорад.
Ин ҳодисаи хунини дуюм аст, ки ҳафтаи мазкур дар шаҳри Истаравшан рух додааст. Санаи 31-уми август Илҳом Раззоқови 26-сола ҳамсараш Баҳринисо Боқиеваи 22-соларо дар таҳхонаи манзили истиқоматиаш бо роҳи буғӣ кардан ба қатл расонида, талош менамояд, ки ҳодисаро худкушӣ вонамуд созад.
Сабаби куштор фишори хушдоман ва фазои носолими оилавӣ гуфта мешавад.
Раззоқов ҳам дар боздошт буда, маълум нест, ки бар зидди ӯ бо кадом модда парванда боз шудааст.
Как прошел грандиозный фестиваль раритетных и новейших авто в Душанбе
Лучшим учителем в 2024 году стала преподаватель биологии школы для одаренных детей района Бободжон Гафуров
В России истязателя таджикского мальчика приговорили к 5 годам колонии
ЕС помогает Таджикистану развивать сельхозэкспорт через опыт Азербайджана
АБР: Рост денежных переводов в Таджикистан замедлился
Рекомендации или принуждение? Минобрнауки заявляет, что нет никакого принуждения при покупке школьной формы
Сегодня Нурекской ГЭС исполняется 45 лет. Вспоминаем, кто и как ее строил
Переводы по номеру телефона: как инновации меняют платежную экосистему Таджикистана
Чиновника администрации Истиклола обвинили в присвоении денег граждан
МВД России сделает публичным реестр нелегальных мигрантов
Все новости
Авторизуйтесь, пожалуйста