Ба вазифаи сафир дар Тоҷикистон президенти ИМА Доналд Трамп номзадии Ҷон Поммершейм (John Mark Pommersheim)-ро пешниҳод мекунад. Ӯ дипломати касбӣ буда, айни замон дар сафоратхонаи ИМА дар Қазоқистон фаъолият дорад. Дар ин бора дафтари матбуоти Кохи сафед дар ИМА хабар медиҳад.

Қабл аз фаъолият дар сафорати ИМА дар Қазоқистон Поммершейм ба сифати консули генералии ИМА дар Владивосток (Русия) ва шаш намояндагиҳои ИМА дар хориҷи кишвар, аз ҷумла дар Чин ва Япония ифои вазифа намудааст. Ӯ хатмкардаи Донишгоҳи Бакнелл, Донишгоҳи Колумбия ва Донишкадаи давлатии забони русии Пушкин бо стипендияи Вазорати мудофиа аст. Поммершейм забонҳои русӣ, олмонӣ, японӣ ва чиниро медонад.

Гуфта мешавад, Трамп ҳамчунин дар Озарбойҷон низ сафири нав таъин карданист ва ба ин мансаб Ирли Литсенбергерро пешбарӣ намудааст, ки дипломати касбӣ буда, дар Департамент давлатии ИМА мансаби воломақомро ишғол мекунад. Таъиноти сафиронро бояд сенати ИМА тасдиқ намояд.

Айни замон Кевин Коверт ба сифати иҷрокунандаи вазифаи сафири ИМА дар Тоҷикистон кор мекунад. Моҳи августи соли 2017 ӯ ба иҷрои уҳдадориҳои роҳбари намояндагии дипломатӣ дар ИМА шурӯъ намуд.

Хабарҳои моро дар Telegram пайгирӣ намоед, ба шабакаи мо бо суроғаи  https://t.me/asiaplus  ҳамроҳ шавед.