Вазири корҳои хориҷии Тоҷикистон Сироҷиддин Муҳриддин дар ҷаласаи Шӯрои Амнияти СММ таҳти унвони “Мубориза зидди маблағгузории терроризм” дар қароргоҳи СММ ширкат ва суханронӣ намуд.
Бино ба иттилои Вазорати корҳои хориҷии ҷумҳурӣ, зимни суханронии худ, вазири корҳои хориҷии кишвар аз талошҳои ҳукумати Тоҷикистон ҷиҳати мубориза бо терроризми байналмилалӣ, ҷинояткории муташаккили фаромиллӣ ва қочоқи ғайриқонунии маводи мухаддир ёдовар гардид.
Гуфта мешавад, Сироҷиддин Муҳриддин иброз намуд, ки Тоҷикистон бо мақсади мубориза зидди пулшӯӣ ва маблағгузории терроризм Консепсияи миллӣ барои солҳои 2018-2025 ва Нақшаи марбута барои татбиқи онро бо Фармони Президенти Ҷумҳурии Тоҷикистон аз 5 майи соли 2018 қабул намудааст.
Сироҷиддин Муҳриддин ҳамчунин аз намояндагони кишварҳои аъзои СММ ҷиҳати иштироки фаъол дар Конфронси сатҳи баланди “Ҳамкориҳои байналмилалӣ ва минтақавӣ дар мубориза зидди терроризм ва манбаъҳои маблағгузории он, аз ҷумла гардиши ғайриқонунии маводи мухаддир ва ҷинояткории муташаккил”, ки 16-17 майи соли 2019 дар шаҳри Душанбе баргузор мегардад, даъват ба амал овард.
Ба иттилои манбаъ, дар толори Маҷмаи Умумии СММ дар ш. Ню-Йорк Сироҷиддин Муҳриддин дар чорабинии сатҳи баланд таҳти унвони “Иқлим ва рушди устувор барои ҳама” низ суханронӣ намуда, ба таъсири афзояндаи тағйирёбии иқлим ба муҳити зист, рушди иқтисодӣ ва иҷтимоии кишвар ва минтақаи Осиёи Марказӣ ишора намуда ва таъкид дошт, ки солҳои охир дар Тоҷикистон шумораи офатҳои табиӣ ба таври назарраc афзоиш ёфтааст.
Вазири корҳои хориҷии Тоҷикистон қайд кард, ки истифодаи васеи манбаъҳои таҷдидшавандаи энергия, ба вежа нерӯгоҳҳои обию барқӣ, ки ба муҳити зист кам таъсир доранд, ба рушди иқтисодӣ ва иҷтимоии кишвар мусоидат мекунад.
Сироҷиддин Муҳриддин афзуд, ки тайи даҳсолаҳои ахир шумораи пиряхҳо дар Тоҷикистон, ки манбаи асосии оби тозаи минтақа мебошанд, коҳиш ёфтааст.
Вазири корҳои хориҷии Тоҷикистон бо ишора ба афзоиши истеъмоли оби нӯшокӣ дар натиҷаи афзоиши аҳолӣ ва обшавии пиряхҳо, таъкид кард, ки кишварҳои минтақа бояд барнома ва стратегияҳои худро ҷиҳати истифодабарии самараноки об бозбинӣ намоянд ва бо мақсади мусоидат ба мудирияти оқилонаи он тадбирҳои муштарак андешанд.
Сироҷиддин Муҳриддин ҳозиринро ҳамчунин бо натиҷаҳои чорабинии сатҳи баланд таҳти унвони «Ҳамбастагӣ байни об ва иқлим», ки рӯзи 27 марти 2019 бо ибтикори ҳайати Тоҷикистон дар қароргоҳи СММ баргузор гардид, шинос намуд.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Афиша от «Азия-Плюс»: Ночь TUT и снова вечер киномузыки, но теперь в театре Лохути
«Мы лишь выполнили свой человеческий долг»: как таджикские мигранты спасают российских граждан
Хозяин "Крокуса": Система пожаротушения во время теракта сработала штатно, а пожарные выходы были открыты
Таджикистан сократил количество квот на привлечение иностранной рабочей силы до 6,5 тысяч
Генсек ОДКБ: В Центральной Азии растет вероятность приграничных конфликтов за ресурсы, в первую очередь за воду
В Таджикистане всех родственников Фаридуна Шамсиддина забрали, сестру из России депортировали
Гражданина Таджикистана в России обвинили в оправдании теракта в «Крокусе»
Что мешает экономике Таджикистана стать свободной?
В $100 миллиардов оценил Reuters потери ушедших из России компаний
В Кыргызстане бывшего таможенника Матраимова и его братьев отправили в СИЗО
Все новости
Авторизуйтесь, пожалуйста