Ҳизби демократи Тоҷикистон (ҲДТ) рӯзи 23 август дар анҷумани ғайринавбатии худ раиси ҳизб Саидҷаъфар Усмонзодаро ба мансаби президентӣ дар интихобот пешбарӣ кард.
Саидҷаъфар Усмонзода дар интихоботи президентии соли 2013 низ ба мансаби президентӣ пешбарӣ шуда, лекин миқдори зарурии овозҳоро ба даст наоварда буд. Он замон ба ҷонибдории ӯ ҳамагӣ 1,02%-и интихобкунадагон овоз дода буданд.
Дар интихоботҳои парлумонии соли 2015 ва соли 2020 Усмонзода вакили Маҷлиси намояндагон интихоб шуд.
Ба ин тариқ, аз 7 ҳизби сиёсии Тоҷикистон 3-тоаш - Ҳизби аграрӣ (пешвои ҳизб Рустам Латифзода), Ҳизби сотсиалистӣ (раиси ҳизб Абдуҳалим Ғаффоров) ва Ҳизби демократ (раиси ҳизб Саидҷаъфар Усмонзода) номзадҳояшонро ба мансаби президентӣ дар интихоботи моҳи октябр пешбарӣ намуданд.
Номзадии раиси Ҳизби аграрӣ Латифзода бору дуюм ва раиси Ҳизби сотсиалистӣ Ғаффоров маротибаи сеюм пешбарӣ мешавад.
Дар назар аст, ки Ҳизби коммунист ва Ҳизби халқии демократии Тоҷикистон низ аввали моҳи сентябр номзадҳои худро ба мансаби президентӣ пешбарӣ мекунанд.
Дар ҳамин ҳол, Ҳизби мухолифи сотсиал-демократии Тоҷикистон то ҳол рӯзи баргузории анҷумани худро эълон накардааст. Раҳматилло Зойиров, раиси ҲСДТ рӯзи 21 август изҳор дошт, ки ташкилотҳои ҳизб дар шаҳру навоҳии кишвар мухолифи иштироки сотсиал-демократҳо дар интихоботи президентӣ мебошанд.
Ёдрас мекунем, ки интихоботи навбатии президенти Тоҷикистон ба рӯзи 11 октябри соли равон таъин шудааст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Офтальмологическая клиника «Санталь» ищет врача
Афиша от «Азия-Плюс»: Tajikistan Fashion Week, «Весёлый балаган» и концерт ко Дню Победы
Оставленный водителем грузовик въехал в толпу школьников в Кыргызстане
Как небо над Дангарой украшали десятки парапланов
Таджичка борется за звание America`s Favourite Teacher
JICA предоставляет медицинское оборудование для повышения качества медицинских услуг в Таджикистане
Как простой сельский учитель собирает музей Мирзо Турсунзаде
«Сомон Эйр» открывает прямые рейсы из Худжанда в Урумчи
КЧС предупреждает о грозах и усилении ветра
В Душанбе награждены победители республиканского конкурса «Сайри гули лола»
Все новости
Авторизуйтесь, пожалуйста