Иҷрокунандаи вазифаи вазири мудофиаи Афғонистон Ассадулло Холид 10 сентябр бо раиси Кумитаи давлатии амнияти миллии Тоҷикистон Саймумин Ятимов мулоқот кард. Дар ин бора дафтари матбуоти Вазорати мудофиаи Афғонистон хабар медиҳад.
Ба иттилои манбаъ, зимни вохӯрӣ масоли ҳамкориҳои наздисарҳадӣ, мубориза бо терроризм ва барқарор кардани сулҳ дар Афғонистон баррасӣ шуданд.
“Ассадулло Холид ба намояндаи Тоҷикистон барои ҳамкорӣ бо Афғонистон дар соҳаҳои гуногун изҳори миннатдорӣ намуда, зарурати идомаи ҳамкориҳои дуҷонибаро таъкид кард”, - иттилоъ медиҳад дафтари матбуоти Вазорат.
Доир ба дигар ҷузъиёти гуфтушунид маълумот дода нашудааст.
Қаблан ҳукумати Тоҷикистон амали нангини террористиро бар зидди муовини аввали Раиси Ҷумҳурии Исломии Афғонистон Амруллоҳ Солеҳ шадидан маҳкум намуда буд.
“Ҳукумати Тоҷикистон амали нангини террористиро, ки субҳи 9 сентябри 2020 дар Кобул бар зидди муовини аввали Раиси Ҷумҳурии Исломии Афғонистон Амруллоҳ Солеҳ сурат гирифта, дар натиҷаи он шуморе аз мардум ҷон бохтанд ва захмӣ шудаанд, шадидан маҳкум менамояд. Ҳукумати Тоҷикистон ба пайвандону наздикони қурбониёни амали террористӣ таъзия баён намуда, ба захмиён шифои комил орзу дорад”, - қайд мешавад дар изҳороти ҳукумати Тоҷикистон дар АМИТ “Ховар” ба нашр расидааст.
Дар изҳорот гуфта мешавад, Тоҷикистон дар мубориза бо терроризм ҳамеша дар паҳлӯи Афғонистон буда, хоҳони барқарорсозии сулҳу оромии пойдор дар кишвари ҳамҷавор аст.
Бо истинод ба шабакаи телевизионии «1TV» зикр мегардад, ки, субҳи 9 сентябр дар шаҳри Кобул бар ҷони муовини аввали Раиси Ҷумҳурии Исломии Афғонистон Амруллоҳ Солеҳ сӯиқасд ташкил гардида, бар асари он на кам аз 10 нафар кушта ва 15 нафари дигар, аз ҷумла се нафар муҳофизони Амруллоҳ Солеҳ захмӣ гардиданд. Худи ӯ зарар надидааст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Раиси: «От израильского режима ничего не останется, если он еще раз нападет на Иран»
Из озера в Душанбе извлекли тело молодого человека
Суд в Москве ужесточил наказание для таксиста, уроженца Таджикистана, по делу о госизмене и контрабанде
В Афганистане произошло громкое убийство влиятельного функционера «Талибан». Говорят, это послание всей группировке
В Исфаре селевой поток подтопил подвалы домов и подсобные помещения
В Душанбе открыли новый турецкий ресторан Antephan
Замминистра обороны России Тимура Иванова задержали по делу о взятке
В Латвии запретят изучать русский язык в школах в качестве второго иностранного
Бойцов из Таджикистана ждут новые поединки: кто и с кем?
Таджикистан и Италия подписали Соглашение об отмене виз для владельцев дипломатических паспортов
Все новости
Авторизуйтесь, пожалуйста