Дар шаҳри Душанбе рӯзи 25 май даври нуҳуми машваратҳои солонаи сиёсӣ миёни Тоҷикистон ва Иёлоти Муттаҳидаи Америка доир гардид.

Вохӯрӣ таҳти роҳбарии вазири корҳои хориҷии Тоҷикистон Сироҷиддин Муҳриддин ва ёвари Котиби давлатии ИМА оид ба Осиёи Ҷанубӣ ва Осиёи Марказӣ Доналд Лу баргузор шуд.

mfa.tj

Гуфта мешавад, ҷонибҳо доираи васеи масъалаҳои рушди муносибатҳои дуҷонибаи Тоҷикистон ва ИМА дар бахшҳои сиёсӣ, иқтисодӣ, илмию фарҳангӣ, инчунин дар бахшҳои тандурустӣ, маориф ва дигар масъалаҳои мавриди таваҷҷуҳи тарафайнро баррасӣ карданд.

Ҳамчунин доир ба муқовимат бо таҳдиду чолишҳои муосир, ҳуқуқи инсон ва таҳкими муносибатҳои дуҷониба дар чаҳорчӯби созмонҳои байналмилалӣ ва дигар масъалаҳои мубрами рӯз табодули афкор сурат гирифт.

mfa.tj

Ёдрас мекунем, ки Доналд Лу як ҳайати ИМА-ро роҳбарӣ мекунад, ки аз 23 то 27 май аз Қирғизистону Қазоқистон ва Тоҷикистону Ӯзбекистон боздид мекунад. То ташриф ба Тоҷикистон ӯ аз Ӯзбекистон боздид намуда, дар идома сафар ба Қазоқистону Қирғизистон ба нақша гирифта шудааст.

Дар Telegram, Facebook, Instagram, OK ва ВК бо мо бимонед.