“Аз ҷониби Кабулов носаҳеҳ изҳор шудани мавқеи Тоҷикистонро дар масъалаи фаъолияти Гурӯҳи робитаи “СҲШ-Афғонистон” зикр мекунем, - гуфта мешавад дар посухи Ҳамоҳангсози миллии Тоҷикистон дар умури Созмони ҳамкории Шанхай (СҲШ) Аҳмад Саидмуродзода ба саволи “Азия-Плюс” доир ба норозигии Тоҷикистон дар мавриди барқарор шудани кори ин гурӯҳ.
“Дар доираи СҲШ Тоҷикистон мудом зарурати баррасии мушкилоти Афғонистонро таъкид мекунад. Дар робита ба Гурӯҳи робита бошад, Тоҷикистон ҳеҷ гоҳ зидди барқарор шудани ин механизм изҳори назар накардааст. Баръакс, аз ҷониби мо ба чунин далел таваҷҷуҳ зҳоир мешавад, ки мақоми нозир дар назди СҲШ ба Афғонистон соли 2012 дода шуда, протоколҳо дар бораи таъсиси Гурӯҳи робита солҳои 2005 ва 2018 аз ҷониби мақомоти ин кишвар ба имзо расиданд”, - гуфта мешавад дар посух.
Дар ин замина, тибқи маълумоти Саидмуродзода, ҷониби Тоҷикистон, аз ҷумла дар ҷаласаи Шӯрои вазирони корҳои хориҷии СҲШ дар Остона, пешниҳод кард, ки дар ин марҳила коршиносон баррасии масъалаи Афғонистонро дар доираи давлатҳои узви ин созмон оғоз кунанд.
«Ҳамчунин, таъкид мекунем, ки ҷаласаҳои мақомот ва механизмҳои ҳамкории СҲШ хусусияти махфӣ доранд, вале ин ба ҷаноби Кабулов монеъ нашуд, ки бо нақзи қоидаҳои тартиботии СҲШ мазмуни онҳоро ба фазои иттилоотии ошкоро барорад. Аз ин рӯ, дар Душанбе ба чунин изҳороти дипломати рус эътибор намедиҳанд», - илова мешавад дар посух.
Ёдрас мекунем, ки рӯзи 11 июн зимни мусоҳиба ба хабаргузории РИА Новости директори департаменти дуюми Осиёи Вазорати корҳои хориҷии Русия Замир Кабулов изҳор дошт, ки ба ҷуз Тоҷикистон, аксарияти иштирокчиёни ҷаласаи Шӯрои вазирони корҳои хориҷии давлатҳои узви СҲШ аз барқарор шудани кори гурӯҳи СҲШ-Афғонистон ҷонибдорӣ карданд.
“Русия ва аксарияти иштирокдорони ин чорабинӣ тарафдори аз нав оғоз кардани кори ин гурӯҳи тамос буданд. Шубҳаҳои муайян дар ин бора аз ҷониби шарикони мо аз Тоҷикистон боқӣ мемонанд, аммо мо умедворем, ки дар ояндаи наздик онҳо низ мавқеи худро сабуктар хоҳанд кард», – гуфт Кабулов.
Як сол пеш раҳбарияти “Толибон” изҳор дошт, ки намояндагони онҳо барои иштирок дар нишастҳои СҲШ ҳаққи қонунӣ доранд.
«Аморати исломии Афғонистон (номи давлатро, ки аз ҷониби толибон истифода мешавад) баргузор намудани чунин вохӯриҳоро барои беҳтар намудани ҳамоҳангсозӣ бо мақсади таъмини амнияти минтақа ва рушди ҳамкорӣ истиқбол мекунад ва иштироки Афғонистон (ки нозир дар созмон мебошад) дар чунин вохӯриҳоро ҳаққи қонунии худ меҳисобад», - зикр гардида буд он замон дар изҳороти толибон.
Ба ақидаи “Толибон”, ҳузур надоштани намояндагони мақомоти Афғонистон дар ҷаласаҳои СҲШ «барои ҳамоҳангсозии ҳамаҷонибаи амалҳо дар муқобили хатарҳои соҳаи амният, мубориза бо гардиши ғайриқонунии маводи мухаддир, расонидани кӯмаки башардӯстона ба аҳолии Афғонистон ва татбиқи лоиҳаҳои зерсохторӣ» монеъа эҷод мекунад.
Хуснуллин в Душанбе предупредил, что нелегальной миграции в России больше не будет
Wildberries придет в Таджикистан? В Душанбе подписан меморандум о сотрудничестве
С какой целью в Душанбе сегодня прилетал вице-премьер России?
Где в Душанбе выучить таджикский язык?
BAIC BJ80: Мощь и комфорт в одном внедорожнике
В Душанбе обсудили совершенствование знаний о рисках бедствий в Таджикистане
Бортников назвал подрывы пейджеров «Хизбаллы» «прямой угрозой безопасности стран СНГ»
Афиша от «Азия-Плюс»: «Золотое сердце Востока», «Рудаки» и Startupstan Summit 2024
Разговоры о важном. Что нужно внедрять в образовательную программу школьников Таджикистана?
«У меня не было денег»: УМВД Душанбе опубликовало видео с подозреваемым в нападении на таксиста
Все новости
Авторизуйтесь, пожалуйста