Имрӯз ба вазифаи сарвари “Маҷмааи тандурустии Истиқлол” Рустам Хуршедзода таъйин шуда, аз роҳбарии “Маркази тиббии шаҳрии №1 ба номи Ахмедов Карим” озод гардид.

Дар ин хусус Раёсати иттилоот ва робитаҳои хориҷии дастгоҳи раиси шаҳри Душанбе хабар додааст.

Ҳамчунин Фаррух Маҳмадзода аз вазифаи муовини сарвари Муассисаи давлатии “Маҷмааи тандурустии Истиқлол” озод ва сарвари Муассисаи давлатии “Маркази тиббии шаҳрии №1 ба номи Ахмедов Карим” таъин шудааст.

Ин тағйироти кадрӣ бо дастури раиси шаҳри Душанбе Рустами Эмомалӣ ба амал омадааст.

Ёдрас мекунем, дирӯз бо фармони раисҷумҳур собиқ сарвари “Маҷмааи тандурустии Истиқлол” Ҷамолиддин Абдуллозода вазири тандурустӣ ва ҳифзи иҷтимоии аҳолии Тоҷикистон таъин шуд.

Собиқ вазири тандурустӣ Насим Олимзода бо сабаби ба кори дигар гузаштанаш аз вазифа озод шуд.

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар Telegram, Facebook, Instagram, Viber, Яндекс.ДзенOK ва Google Новости бо мо бимонед.