Раиси Хадамоти федералии амнияти Русия Александр Бортников зимни суханронӣ дар машварати роҳбарони хадамоти махсуси кишварҳои узви ИДМ дар шаҳри Душанбе изҳор дошт, ки як бахши Давлати исломӣ бо номи “Вилояти Хуросон” наздики 5 ҳазор ҷангиёнро ба минтақаи шимоли Афғонистон сафарбар кардааст, ки бо кишварҳои узви Иттиҳоди Давлатҳои Мустақил ҳамсарҳаданд.
Зимни муроҷиат ба иштирокдорони ҷаласаи Шӯрои роҳбарони мақомоти амният ва хадамоти махсусуи кишварҳои узви ИДМ дар Душанбе ӯ қайд кард, ки амали террористон дар мавриди ташкили пойгоҳҳо дар Африқои Шимолӣ ва Осиё боиси нигаронӣ аст.
“Сафарбарии гурӯҳҳои террористӣ ба вилоятҳои шимоли Афғонистон, ки бо давлатҳои Иттиҳод ҳаммарзанд, боиси нигаронии хос аст. Дар ин минтақа бахши “Вилояти Хуросон”-и Давлати исломӣ наздики 5 ҳазор ҷангиёнро ҷамъ овардааст, ки аксарияти онҳоро шаҳрвандони дар Сурия ҷангидаи кишварҳои узви ИДМ ташкил медиҳанд”, - овардааст гуфтаҳои Бортниковро хабаргузории РИА Новости.
Бино ба гуфтаи раиси Хадамоти федералии амнияти Русия, аъзои гурӯҳҳои террористӣ “барои истеҳсли аслиҳаи кимиёвӣ ва биотоксинҳо маводу технология ва зербинои заруриро дар ихтиёр доранд”.
Бортников ҳамчунин қайд кардааст, ки барои дастгирии аъзои гурӯҳҳои Давлати исломӣ сарпарастони онҳо бештар аз низомҳои электронии пардохт ва криптовалютаҳо истифода мекунанд. Ғайр аз ин, даромад аз фурӯши ғайриқонунии нафт ва дигар амалиёти ҷинояткорона низ бо ҳамин мақсадҳо истифода мешавад.
“Майдони ғайрирасмии мусулмонии молиявии “Ҳавола” сарчашмаи муҳими маблағгузории созмонҳои террористии байнулмилалӣ аст”, - таъкид доштааст ӯ.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Афиша от «Азия-Плюс»: Ночь TUT и снова вечер киномузыки, но теперь в театре Лохути
«Мы лишь выполнили свой человеческий долг»: как таджикские мигранты спасают российских граждан
Хозяин "Крокуса": Система пожаротушения во время теракта сработала штатно, а пожарные выходы были открыты
Таджикистан сократил количество квот на привлечение иностранной рабочей силы до 6,5 тысяч
Генсек ОДКБ: В Центральной Азии растет вероятность приграничных конфликтов за ресурсы, в первую очередь за воду
В Таджикистане всех родственников Фаридуна Шамсиддина забрали, сестру из России депортировали
Гражданина Таджикистана в России обвинили в оправдании теракта в «Крокусе»
Что мешает экономике Таджикистана стать свободной?
В $100 миллиардов оценил Reuters потери ушедших из России компаний
В Кыргызстане бывшего таможенника Матраимова и его братьев отправили в СИЗО
Все новости
Авторизуйтесь, пожалуйста