Воҳидҳои Қувваҳои мусаллаҳти Тоҷикистон ва пойгоҳи низомии 201-уми Русия дар ҷараёни тамрини муштараки тактикӣ дар машқгоҳҳои Момирак ва Самбулӣ гурӯҳи шартии мусаллаҳро нобуд карданд.

Дар марҳилаи оташфшонии тамрин дастгоҳҳои оташфишонии сайёр, танкчиён ва тӯпчиён (артиллеристон) ҳолатҳои пеш бурдани амалиёти ҷангиро оид ба муҳосира ва маҳви душмани шартӣ дар кӯҳҳо бо дастгирии авиатсияи ҷангӣ дар таҷриба санҷиданд. Оташфишонӣ дар масофаи аз 100 то 5000 метр сурат гирифт.

Дар тамрини низомии тактикӣ, ки дар давраи аз 19 то 23 апрел зери роҳбарии фармондеҳи неруҳои Ҳавзаи ҳарбии марказии Русия генерал-полковник Александр Лапин доир мегардад, зиёда аз 3,5 ҳазор хидматчиёни ҳарбӣ иштирок карда, то 400 адад воҳидҳои техникаи ҳарбӣ сафарбар шудааст.

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.