Иштирокчиёни нишасти роҳбаронии воҳидҳои ҳамкориҳои байналмилалии низомии Қувваҳои мусаллаҳи кишварҳои СААД, ки дар Минск баргузор шуд, барои рафъи ташаннуҷ дар қитъаҳои марзии Тоҷикистону Қирғизистон пешниҳодҳо таҳия карданд. Тавре ки РИА Новости менависад, дар ин бора сардори департаменти ҳамкориҳои байнулмилалии низомии кишварҳои узви СААД - ёвари вазири мудофиаи Беларус Валерий Ревенко хабар додааст.
“Дар машварат вазъи низомиву ҳарбӣ дар минтақаи зери масъулияти созмон баррасӣ шуда, чорабиниҳои ҳамкориҳои байнулмилалии низомӣ дар доираи раёсати Беларус муайян карда шуданд”, - иброз доштааст вай.
Ба гуфтаи Ревенко, дар доираи ин чорабиниҳо “барои роҳбарони вазоратҳои мудофиа ҷиҳати рафъи шиддати вазъият дар қитъаҳои сарҳад байни Тоҷикистон ва Қирғизистон” пешниҳодҳо таҳия гардиданд.
Аз ҷузъиёти чорабиниҳо хабар дода нашуда, танҳо зикр мешавад, ки аз натиҷаҳои машварат ба сифати асос барои амалисозии минбаъдаи қарорҳои мақомоти оинномавии Созмон истифода хоҳад шуд.
Ҳамчунин дар машварат доир ба самтҳои асосии фаъолияти СААД оид ба ҳалли вазъҳои буҳронӣ ва роҳ надодан ба минбаъд шиддатёбии вазъият дар минтақаи зери масъулияти Созмон, баланд бардоштани омодагии воҳидҳои низомӣ ва таҳкими ҳамкории ҳарбӣ ва техникӣ изҳори назар шудааст.
Вазири мудофиаи Беларус Виктор Хренин зимни суханронӣ дар машварат зикр кард, ки баргузории ҷаласаи Шӯрои вазирони мудофиаи кишварҳои узви СААД рӯзи 25 май дар Минск ба нақша гирифта шудааст.
Ёдрас мекунем, ки нимаи моҳи сентябри соли 2022 вазъият дар сарҳади Тоҷикистону Қирғзистон бори дигар шиддат гирифт: ҷонибҳо ҳамдигарро ба ташаннуҷи вазъ айбдор намуда, дар бораи мавриди тирпаронӣ қарор гирифтани деҳаои наздимарзӣ хабар доданд.
Аз 14 то 16 сентябр маҳаллаҳои аҳолинишини ноҳияҳои Исфара ва Бобоҷон Ғафурови вилояти Суғди Тоҷикистон ва ноҳияҳои Ботканд ва Лайлаки вилоятҳо Ботканд ва Оши Қирғизистон мавриди оташ қарор гирифтанд.
Бар асари ин даргириҳо аз ҳар ду тараф зиёда аз 100 нафар куштаву даҳҳо нафар захмӣ гардида, манзил ва иншооти иҷтимоии сершумор дар қаламрави наздисарҳадӣ тахриб шуданд.
Масофаи сарҳади байни Тоҷикистон ва Қирғизистон тақрибан 970 километрро ташкил дода, расмиёти таъйин ва аломатгузории он пас аз пошхӯрии Иттиҳоди Шӯравӣ (СССР) то ҳол анҷом наёфтаанд. Аз 970 километр то имрӯз 460 километри он таъйину аломатгузорӣ шудааст. Бинобар ин, дар қитъаҳои ҷудогонаи марз муноқишаҳо ба амал омада, ба хисороти молӣ ва талафоти ҷонӣ боис мегарданд.
Афиша от «Азия-Плюс»: Ночь TUT и снова вечер киномузыки, но теперь в театре Лохути
«Мы лишь выполнили свой человеческий долг»: как таджикские мигранты спасают российских граждан
Хозяин "Крокуса": Система пожаротушения во время теракта сработала штатно, а пожарные выходы были открыты
Таджикистан сократил количество квот на привлечение иностранной рабочей силы до 6,5 тысяч
Генсек ОДКБ: В Центральной Азии растет вероятность приграничных конфликтов за ресурсы, в первую очередь за воду
В Таджикистане всех родственников Фаридуна Шамсиддина забрали, сестру из России депортировали
Гражданина Таджикистана в России обвинили в оправдании теракта в «Крокусе»
Что мешает экономике Таджикистана стать свободной?
В $100 миллиардов оценил Reuters потери ушедших из России компаний
В Кыргызстане бывшего таможенника Матраимова и его братьев отправили в СИЗО
Все новости
Авторизуйтесь, пожалуйста