Вазири маориф ва илми Тоҷикистон Нуриддин Саид зимни нишасти хабарӣ изҳор намуд, ки аз соли 2020 мактабҳои таҳсилоти миёнаи умумии Тоҷикистон ба низоми таълими 12-сола гузашта, ин ҷараён тадриҷан ва дар муддати чандин сол сурат хоҳад гирифт.

Ба гуфтаи ӯ, дар консепсияи нав се сатҳи таълими пурраи миёна - маълумоти ибтидоӣ, маълумоти миёнаи заминавӣ ва маълумоти миёнаи соҳавӣ пешбинӣ гурдида, кӯдакон аз синни 6-солагӣ ба макаб мераванд.

Қобили зикр аст, ки Президенти мамлакат  Эмомалӣ Раҳмон дар паёми соли 2015 ба парлумон изҳор намуда буд, ки то гузаштан ба низоми таҳсили 12-сола бояд тамоми мактабҳо бо омӯзгорон пурра таъмин карда шаванд.

Дар ин робита вазир қайд кард, ки 300 нафар омӯзгорони Русия барои кор ба мактабҳои Тоҷикистон ҷалб карда шуда, маблағгузории он аз ҷониби Русия амалӣ мешавад ва ояндаи наздик бо дастгирии Русия дар Тоҷикистон 5 мактаби нави русӣ сохта хоҳад шуд.