Агентии таҳлилии Русия “Турстат” рейтинги навбатии шаҳрҳои беҳтарини Иттиҳоди Давлатҳои Мустақил (ИДМ)-ро барои сайру саёҳат дар фасли тирамоҳ таҳия намуд.

Феҳристи шаҳрҳои ИДМ бо назардошти натиҷаҳои таҳлили серталабӣ ва писанд будани сафарҳои сайёҳӣ дар тирамоҳи соли 2018 тартиб дода шудааст.

Дар рейтинги шаҳрҳои саёҳии ИДМ дар фасли тирамоҳ Минск, Остона ва Боку пешсаф мебошанд.

Даҳгонаи шаҳрҳои сайёҳии ИДМ дар фасли тирамоҳ аз Минск дар Беларус, Остона дар Қазоқистон, Боку дар Озарбойҷон, Ереван дар Арманиситон, Тошканд дар Ӯзбекистон, Алмаато дар Қазоқистон, Бишкек дар Қирғизистон, Кишинёв дар Молдова, Душанбе дар Тоҷикистон ва Ашқобод дар Туркманистон иборат аст.

Тибқи маълумоти “ТурСтат”, фасли тирамоҳ сайёҳон ба шаҳрҳо ва кишварҳои ИДМ ба ҳисоби миёна ба муддати 3 рӯз меоянд.

Сайёҳони русиягӣ дар сафарҳо ба шаҳру давлатҳои ИДМ барои иқомату ғизо дар як шабонарӯз аз 30 то 80 доллар маблағ масраф мекунанд.

Барои арзонтар афтодани сафар Қирғизистон ва Ӯзбекистон ва барои сафарҳо дар рӯзҳои истироҳат ва харид шаҳрҳои Остона ва Боку интихоб мешаванд.

Хабарҳои моро дар Telegram пайгирӣ намоед, ба шабакаи мо бо суроғаи  https://t.me/asiaplus  ҳамроҳ шавед.