Чин иртиботи заминии автомобилиро бо Тоҷикистон аз тариқи гузаргоҳи назоратии “Қулма” қатъ кард.
Тавре ба “Азия-Плюс” аз Вазорати нақлиёти ҷумҳурӣ хабар доданд, равуои нақлиёти автомобилӣ байни кишварҳо аз ҷониби Чин бо сабаби ҷашни Соли нав дар ин кишвар қатъ шудааст.
Ба иттилои манбаъ, айни замон равуо тариқи гузаргоҳи назоратии “Қулма” ҳам аз ҷониби Чин ва ҳам аз ҷониби Тоҷикистон боздошта шудааст.
Қобили зикр аст, ки бар асари хуруҷи коронавируси нав дар Чин, иртиботи автомобилии он қариб бо ҳамаи кишварҳои ҳамсоя қатъ шуд. Рӯзи 27-уми январ сарҳади байни Қирғизистону Чин низ баста шуд.
Ҳамчунин аз 23-юми январ парвози ҳавопаймоҳо байни Тоҷикистону Чин қатъ карда шуд. Ҳам парвозҳои ширкати “Сомон Эйр” ба ин кишвар ва ҳам парвозҳои ширкати South China Airlines ба Тоҷикистон мутаваққиф шуданд.
Дар ширкати “Сомон Эйр” қатъи парвозҳоро чунин маънидод карданд, ки ҳамасола дар ин мавсим бинобар сабаби ҷашни Соли нав дар Чин, ширкат парвозҳоро ба самти ин кишвар анҷом намедод.
Бино ба маълумоти ВАО, бар асари хуруҷи вирус ҳамаи чорабиниҳои идона ба муносибати Соли нав дар Пекин бекор карда шудааст.
Тавре Reuters хабар медиҳад, бино ба маълумоти телевизиони давлати Чин, дирӯз дар Пекин нахустин ҳодисаи ҳалокати шахс бар асари сироятёбӣ аз коронавирус ба қайд гирифта шудааст. То охири моҳи январ дар Пекин наздики 80 нафар ба ин беморӣ гирифтор шудаанд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Как простой сельский учитель собирает музей Мирзо Турсунзаде
«Сомон Эйр» открывает прямые рейсы из Худжанда в Урумчи
КЧС предупреждает о грозах и усилении ветра
В Душанбе награждены победители республиканского конкурса «Сайри гули лола»
Барабанщик - сын барабанщика. Как Игорь Джавад-Заде стал №1 в России
Meet Up «Клиентский сервис как стратегия РОСТа»: обзор и ключевые моменты
Чупик: "Вслед за гражданами Таджикистана в Россию перестали пускать граждан Узбекистана и Кыргызстана"
Таджикистан и Нидерланды обсудили вопросы экстрадиции преступников
Что обсуждают и какую работу находят трудяги на «мардикор-базаре» в центре Душанбе?
В Таджикистане начали подготавливать лагеря для летнего отдыха детей и подростков
Все новости
Авторизуйтесь, пожалуйста