Соли 2020 656,3 ҳазор хориҷиён шаҳрвандии Русияро қабул кардаанд, ки рекорди мутлаақ ҳадди ақал аз соли 2000-ум мебошад, хабар додааст хадамоти таҳлилии шабакаи байнулмилалии аудиторӣ-консалтингии FinExpertiza бо такя ба маълумоти омории ВКД.

Ба иттилои манбӣаъ, тайи солҳои охир сафи хоҳишмандони доштани шиносномаи Русия мудом дар ҳоли афзоиш аст.

Аксарияти гирандагони шиносномаҳои Русияро дар соли пандемия зодагони Украина (62,4% ё худ 409,5 ҳазор нафар), инчунин зодагони Тоҷикистон (9,7% ё худ 63,4 ҳазор нафар) ва Қазоқистон (6,6% ё 43,4 ҳазор нафар) ташкил додаанд.

Дар рӯйхати нави шаҳрвнадони Русия намояндагони кишварҳои бештар некӯаҳволро низ метавон пайдо кард: соли гузашта 203 нафар сокинони Олмон, 148 шаҳрванди ИМА, 32 бритониёӣ, 19 канадагӣ, 7 швейтсарӣ ва 1 сокини Ҷопон шаҳрвандии Русияро пазируфтаанд.

Тайи солҳои ахир миёни гирандагони шаҳрвандии Русия ҳиссаи сокинони Ураина баъди ба зодагони Ҷумҳуриҳои мардумии Донетск ва Луганск (ДНР ва ЛНР) пешниҳод намудани расмиёти соддашудаи гирифтани шаҳрвандӣ хеле зиёд - 62,4% (409,5 ҳаз. наф.) афзуд.

Дар идома зодагони Тоҷикистон (9,7% ё 63,4 ҳаз. наф.), Қазоқистон (6,6% ё 43,4 ҳаз. наф.), Арманистон (4,7% ё 30,5 ҳаз. наф.), Ӯзбекистон (3,5% ё 23,1 ҳаз. наф.), Озарбойҷон (3,3% ё 21,9 ҳаз. наф.), Молдова (3,1% ё 20,6 ҳаз. наф.), Қирғизистон (1,8% ё 11,9 ҳаз. наф.), Беларус (1,6% ё 10,4 ҳаз. наф.) қарор доранд.

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.