Марде, ки навори бо корд ба шиками як духтарча задани ӯ дар шабакаҳои иҷтимоӣ нашр ва боиси вокунишҳои зиёде шуд, боздошт гардидааст. Ба гуфтаи мақомот, ӯ замоне ба шиками духтарчаи 8-сола бо корд зад, ки дар ҳолати мастӣ қарор дошт.
Ҳодисаро аз Шуъбаи корҳои дохилии шаҳри Панҷакент ба "Азия-Плюс" шарҳ дода гуфтанд, ки он тарқибан соати 10:00 рӯзи 16-уми феврал дар дохили бозори марказии шаҳри Панҷакент рух дод.
Дар ин навор дида мешавад, ки як мард дар назди бозори Панҷакент духтареро, ки ҳамроҳи модараш аз канори роҳ мегузарад, бо корд мезанад. Баъд аз он ки духтар фарёд мезанад, модараш огоҳ мешавад, ки ӯ захмӣ шудааст.
“Хушбахтона, кӯдак зарари ҷиддӣ набардошт ва ба ӯ ёрии тиббӣ расонида шуд. Ӯ ҳамоно ба беморхона интиқол гардида, рӯзи дуюм (18-уми феврал) аз бемористон рухсат ёфт”, - гуфтанд аз ШВКД Панҷакент.
Аз ин ниҳод гуфтанд, субҳи имрӯз, 19-уми феврал гумонбари ин ҳамала, марди 53-сола, сокини ҷамоати деҳоти Шинги шаҳр, ки қаблан низ ба ҷавобгарӣ кашида шуда буд, боздошт гардидааст.

“Тавре маълумоти пешакӣ нишон медиҳанд, ҳангоми ин ҳодиса ӯ дар ҳолати мастӣ қарор дошт. Ҳоло таҳқиқот идома дорад ва масъалаи мурофиаи ҳуқуқӣ дар бораи он ки бо кадом моддаи қонун ӯро муҳокима мекунанд, ҳал мешавад”, - гуфтанд аз шуъбаи милитсияи Панҷакент.
Ҳоло назари волидайни ин духтар нисбат ба ин ҳодиса маълум нест.
Ёдовар мешавем, ки дар наворе, ки дар шабакаҳои иҷтимоӣ паҳн шуд, дида мешавад, ки марде бебаҳона дар дохили бозор ба шиками як духтар бо корд мезанад ва ором аз паҳлӯи ӯ гузашта меравад. Ин навор дар шабакаҳои иҷтимоӣ вокуниши корбаронро ба бор овард ва аксаран аз мақомот талаб карданд, ки ин мард боздошт ва ба ҷавобгарӣ кашида шавад.
Амфетамины: Синтетические наркотики стали новой угрозой для молодежи Таджикистана
Трамп заявил, что продолжит помогать Афганистану только после возвращения талибами американской военной техники
В Казахстане более 70 граждан Таджикистана вызволили из снежного плена
В Афганистане талибы разрешили вещать женской радиостанции
ЕС одобрил 16-й пакет антироссийских санкций: еще 13 банков отключат от SWIFT
«Шкаф» – «тумбочка» и «короче» – «просто». Как перевести распространенные русские слова на таджикский?
Новый глава Социалистической партии Таджикистана: «Мы хотим обрести власть через парламент»
В Пенджикенте возбудили дело против мужчины, напавшего с ножом на девочку
В Азербайджане закрыли информагентство Sputnik – представительство «России сегодня»
Как Саудовский принц Мухаммад бин Салман взялся помирить Россию и США
Все новости
Авторизуйтесь, пожалуйста