“Почему таджики становивятся террористами” – бо ин ном дар саҳифаи якумаш ҳафтанома “Азия Плюс“ мусоҳиба бо коршинос, Рустам Азизӣ нашр кардааст.
Мусоҳиба дар пасманзари таркиши Кирмони Теҳрон, ки мақомоти ин кишвар дар он ду зодаи Тоҷикистонро муттаҳам карданд,баргузор гардида, аз он бонги хатар зада шудааст, ки дар як соли охир номи наздики 10 зодаи Тоҷикистон дар робита ба амалҳои террористӣ ёд шудааст. Аз ин лиҳоз, ӯ аз Рустам Азизӣ ба ин савол посух ҷустааст: чӣ метавонад одамонро ба гурӯҳҳои тундрав ҷалб кунад ва таркишҳои Эрон ба муносибати ин кишва бо Тоҷикистон чӣ таъсир метавонад расонад?
Ба таври муфассал мусоҳибаро дар ҳафтаномаи “Азия Плюс“ мутолиа кунед.
Инчунин, матлабҳои ҷолиби дигар - “План по сбору хлопка не выполнен” ва “Садись, 10. Нужно ли Таджикистану переходить на 10-балльную систему оценок в школах?”-ро аз нашри ин ҳафтаи “Азия-Плюс” мутолиа кунед.
“Аз хӯрдани “як пиёла чой” даст кашед”
Ҳафтаномаи “Тоҷикистон” дар матлаби “Нишастҳои камранг” назари журналистонро дар бораи нишастҳои матбуотӣ пурсидааст.
“Матни суханрониҳо ва гузориши масъулонро мешавад ба расонаҳо аз тариқи почтаи электронӣ ва ё нусхаи чопии онҳоро дар ихтиёри журналистони ҳозир дар нишастҳои хабарӣ гузошт”, - гуфтааст рӯзноманигори шинохта Суҳроби Зиё.
Мазҳаб Ҷумъа, хабарнигори “Азия-Плюс” бошад, аз ҳамкоронаш даъват кардааст, ки аз хӯрдани “як пиёла чой” ва таърифу тавсифи масъулини ин ё он сохтор даст кашанд.
Дигарон чӣ гуфтаанд? Дар ҳафтаномаи “Тоҷикистон” мутолиа кунед.
“Як интихоби одилона ва оқилона”
Ҳафтаномаи “Фараж” ин ҳафта тағйироти кадрии дар сохтори идории давлатӣ рухдодаро бо номи “Дилзанак:-2024: Кӣ омад, кӣ рафт?” пайгирӣ кардааст.
Ба андешаи муаллиф, дар миёни тағйироти кадрӣ як интихоби одилона ва оқилона ин таъини Дилшод Раҳимӣ, фарҳангшиносӣ тоҷик, ба ҳайси намояндаи доимии Тоҷикистон дар ЮНЕСКО аст.
“Дигар аз пич-пичу мишмишҳо фақат як хулоса метавон баровард: Ё дигар дар Тоҷикистон ришваю ришвахорию дарди маҳалу минтақа нигароникунанда нест ва ё ба гирдоби мансаб, ки афтодӣ, аз он танҳо ё бо гуноҳи бузурге берун мешавӣ ё то мӯҳлати нафақа курсиатро аз ин идора ба дигар идора, аз ин вазоратхона ба дигараш, аз ин кумита ба дигар кумита, аз ин ноҳия ба дигараш мекӯчонӣ” - менависад муаллиф.
Ҳамчунин, матолиби “Бозор дар сарҳад”, “Файзобод: Чаро қонун зери по мешавад?”-ро аз ҳафтаномаи “Фараж” мутолиа кунед.
“Дӯстӣ обод мешавад!?”
Муаллифи ҳафтаномаи “СССР” Нуриддин Қосимзода дар матлаби “Дӯстӣ обод мешавад!?” аз вазъи ноҳияи Дӯстӣ хонандаро огоҳ кардааст. Дар ин матлаб муаллиф Литсейи касбӣ-техникии ноҳияи Дӯстиро харобазор ва бинои ҷамоати деҳоти 20-солагии Истиқлолиятро садамавӣ гуфтааст. Муаллиф ҳатто ба кормандони ҷамоати мазкур аҳсанд мехонад, ки дар чунин шароит ба мардум хидмат мекунанд.
Дар бораи Литсейи касбӣ-техникӣ бошад, чунин навиштааст: “Тамошои чунин мавзеъ андешаҳои касро ба солҳои баъдиҷангӣ мебараду вайронаи он солҳо пеши кас намудор мегардад”.
Дар ноҳияи Дӯстӣ боз чӣ камбудиҳо ҳаст? Метавонед бо хондани матлаб ба ин суол ҷавоб ёбед.
“Шердиле аз “ҷигари Кӯлоб” ва “Номи ман Масхарабоз!” аз матлабҳои дигари хонданбоби ҳафтаномаи “СССР” аст.
Мақомоти Тоҷикистон барои расидагӣ ба мушкили муҳоҷирон ба фурудгоҳҳо рафтанд
“Ҳоҷиҳо, ришдорон ва ба Туркия рафтаҳо ихроҷ шуданд”. Нақли муҳоҷирони аз Русия ихроҷшудаи тоҷик
Даргузашти фарҳангшиноси маъруф ва мунаққиди синамо Саъдулло Раҳимов
Лотереяи Green-Card: акнун метавонед бисанҷед, ки бурд кардед ё не
Се медали ҷудокорони тоҷик дар рӯзи якуми мусобиқаи Dushanbe Grand Slam 2024
Путин Эмомалӣ Раҳмонро ба Маскав даъват кард. Суҳбати роҳбарони ду давлат дар пайи мушкилоти муҳоҷирони тоҷик дар Русия
Мушкили шадиди дастрасӣ ба иттилоъ. Идомаи фишор ба расонаҳо ва рукуди озодии баён
Сафири Британияи Кабир дар Тоҷикистон иваз шуд
Тоҷикистониён кадом расонаҳоро бештар пайгирӣ мекунанд?
Маоши кам сабаби тарки соҳа кардани мутахассисон дар Агентии беҳдошти замин ва обёрӣ шудааст
Кулли ахбор
Авторизуйтесь, пожалуйста