Зимни нишасти хабарӣ раиси ширкати «Барқи тоҷик» Абдулло Ёров изҳор намуд, ки бекор шудани лимити истифодаи барқ дар ҷумҳурӣ ба сатҳи маҷрои дарёи Вахш вобаста аст.
Ёров зикр кард, ки нисбат ба соли гузашта имсол вазъ беҳтар буда, айни замон захираи об дар обанбори Норак аз «нишондиҳадаи ниҳоӣ» 25 метр, яъне 1,84 метр баландтар нисбат ба соли гузашта аст. «Ин маънои онро дорад, ки нисбат ба ҳамин давраи соли гузашта айни замон мо тахминан 150 млн. кВт/соат зиёдтар нерӯи барқ дорем», - иброз дошт вай.
Ба қавли раиси ширкат, захираҳои об дар нерӯгоҳи Норак тавре истифода мегарданд, ки ногаҳон ҳолати ғайримунтазира дучор наояд ва гузаштан аз давраи тирамоҳу зимистон ба давраи баҳору тобистон бе мушкилӣ сурат гирад. «Тибқи мушоҳидаҳои чандинсола, ҳамасола 10-уми апрел сатҳи оби обанбори Норак ба нишондиҳандаи зарурӣ расида, пас аз ин ҷумҳурӣ пурра бо нерӯи барқ таъмин карда мешавад», - гуфт Ёров.
А.Ёров зикр кард, ки ба ҳар ҳол, ҳамааш ба обуҳаво вобаста аст, зеро лимити барқ соли 2010 – 19 март, соли 2011 – 17 апрел ва соли гузашта – 1 апрел бекор шуда буд. «Солҳое низ буданд, ки сатҳи об аввалҳои моҳи май ба нишондиҳандаи зарурӣ расида буд», - гуфт номбурда.
Раиси ширкат афзуд, айни замон истеъмолгарони асосии нерӯи барқ Ширкати алюминии тоҷик (14 млн. кВт/соат дар як шабонарӯз) ва шаҳри Душанбе (11 млн. кВт/соат дар як шабонарӯз) мебошанд.
Ёдрас мекунем, ки шурӯъ аз 7-уми октябри соли гузашта дар манотиқи кишвар реҷаи маҳдуди истифодаи нерӯи барқ ҷорӣ гардид. Тибқи лимит пешбинӣ шуда буд, ки манотиқи ҷумҳурӣ дар як шабонарӯз 14 соат – аз соати 4 то 10-и субҳ ва аз 16 то 24 шом бо нерӯи барқ таъмин карда мешаванд. Ба шаҳру марказҳои ноҳия бошад, интиқоли мунтазами нерӯи барқ дар назар буд.
Вазъи омӯзгори дар муноқишаи ахири сарҳадӣ захмбардошта муътадил арзёбӣ мешавад
Эмомалӣ Раҳмон баъди гулчамбаргузорӣ дар “Боғи Ғалаба”-и Душанбе ба Русия рафт
“Ворисони шашмақом” - муаррифи санъати мусиқии Шашмақом ва мақомсароёни тоҷик
Боздиди гурӯҳе аз вакилони парлумони Олмон аз Тоҷикистон
Даромад ба воситаи ҳалли мушкилоти иҷтимоӣ. Чӣ гуна Меҳринисо дар ташкилоти “Шодком” пул кор карданро омӯхт?
Размикорони тоҷик дар UFC: мақоми Алиев, Наимов, Раҷабов ва Ғафуров дар радабандӣ
Пешниҳоди Рустами Эмомалиро СММ қабул кард. Акнун ҳамасола 25 май - Рӯзи ҷаҳонии футбол таҷлил мешавад
Дар пайи тирпаронӣ дар марзи Тоҷикистону Қирғизистон як омӯзгори тоҷик захмӣ шуд. Тафсилоти пурраи ҳодиса
Охири ҳафта борони шадид меборад ва раъду барқ мешавад. Огоҳии КҲФ ба сокинони кишвар
Дар радабандии кишварҳои камбизоат Тоҷикистон дар ҷойи чандум аст?
Кулли ахбор
Авторизуйтесь, пожалуйста