Нимаи моҳи июл хатсайрҳои нави равуои автобусҳои мусофирбар байни шаҳрҳои Тоҷикистону Ӯзбекистон роҳандозӣ мешаванд.
Тавре ба «Азия-Плюс» директори корхонаи «Asian Express» Султон Камолов хабар дод, муддати як моҳ равуои автобусҳо бо панҷ хатсайри нав: аз Душанбе ба шаҳрҳои Деҳнав ва Тирмиз, аз Панҷакент ба Самарқанд, аз Хуҷанд ба Қӯқанд ва аз Истаравшан ба Бекобод ба роҳ монда мешавад. Айни замон танҳо як хатсайр миёни шаҳрҳои Хуҷанду Тошканд амал мекунад.
Ба гуфтаи ӯ, тарифи роҳкиро ва ҷадвали ҳаракати автобусҳо миёни ҷонибҳо мувофиқа шуда, ба таъхир афтодани равуои автобусҳо ба он вобаста буд, ки ҷониби Ӯзбекистон пурра омода набуд.
«Айни замон мо ба мувофиқа расида, дар бораи ифтитоҳи хатсайрҳои ҳаракати автобусҳо байни давлатҳо созишнома ба имзо расонидем ва равуои автобусҳои мусофирбар ояндаи наздик - тахминан дар муддати як моҳ оғоз мегардад», - иброз дошт номбурда.
Тибқи ҳисобу китоби пешакӣ, қайд кард Камолов, арзиши роҳкиро аз Душанбе то Деҳнав - 25 сомонӣ, аз Душанбе то Тирмиз - 52 сомонӣ ва аз Панҷакент то Самарқанд - 20 сомониро ташкил медиҳад.
«Ҳозир арзиши роҳкиро аз Хуҷанд ба Қӯқанд ва аз Истаравшан ба Бекобод мавриди омӯзиш қарор дорад», - гуфт директори «Asian Express».
Ҳамчунин зикр шуд, ки ширкат доир ба таъмини равуои сайёҳон шартнома баста, ба наздикӣ наздики 300 нафар сайёҳони ӯзбек барои табобат ба осоишгоҳҳои Тоҷикистон меоянд ва дар ин осоишгоҳҳо барои онҳо ҷой захира шудааст.
Қаблан дар Қушӯнҳои сарҳадии Тоҷикистон итминон дода буданд, ки зимни гузаштани сарҳад байни Тоҷикистону Ӯзбекистон мусофирон ба ҳеҷ мушкилие дучор нахоҳанд шуд: дар қаламрави гузаргоҳи сарҳадӣ мусофирон аз автобус берун баромада, баъди санҷиши хеле кӯтоҳмуддати назорати сарҳадиву гумрукӣ ба сафар идома медиҳанд.
Қобили зикр аст, ки равуои автоубсҳо ва алоқаи ҳавоӣ байни шаҳрҳои Тоҷикистону Ӯзбекистон соли 1992 қатъ шуда буданд.
Аз моҳи апрели соли гузашта байни Тошканд ва Душанбе баъди танаффуси 25-сола алоқаи ҳавоӣ барқарор карда шуд.
Нимаи моҳи марти соли 2018 реҷаи раводид байни кишварҳо бекор шуда, акнун шаҳрвандони ҳарду давлат метавонанд бидуни раводид ба муҳлати 30 рӯз ба қаламрави ҳамдигар равуо намоянд.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста