Аз онҳо 176 номзад дар 41 ҳавзаи якмандатии интихоботӣ ва 65 номзад тибқи рӯйхати ҳизбӣ дар ҳавзаи ягонаи умумиҷумҳуриявии интихоботӣ рақобат мекунанд. Дар ин бора ба “Азия-Плюс” аз Комиссияи марказии интихобот ва раъйпурсӣ (КМИР)-и Тоҷикистон хабар доданд.
Байни номзадҳои расман сабтиномшуда ба вакилии Маҷлиси намояндагони Маҷлиси Олии ҶТ 48 нафарашон занон мебошанд.
Ҳамин тариқ, барои ба даст овардани як курсии вакилӣ ба ҳисоби миёна 4 нафар номзадҳо талош меварзанд.
Айни замон дар ҷумҳурӣ маъракаи ташвиқоти пеш аз интихоботӣ ҷараён дошта, 29-уми феврал дар кишвар ба истилоҳ “рӯзи хомӯшӣ” фаро мерасад.
Мувофиқи меъёрҳои қонунгузории Тоҷикистон, интихоботи парлумонии рӯзи 1-уми март дар он ҳолат баргузоршуда эътироф мегардад, ки дар он аз наздики 4,7 млн нафар интихобкунандагони қайдшуда беш аз 50%-ашон овоз диҳанд. Онҳо имкон доранд, ки аз соати 6.00 то 20.00 дар қитъаҳои интихоботӣ раъй диҳанд. Варақаҳои интихоботӣ бо 4 забон: тоҷикӣ, ӯзбекӣ, қирғизӣ ва русӣ нашр мешаванд.
Маълумот дар бораи нишондиҳандаи овоздиҳиро КМИР муддати тамоми рӯз баъди ҳар як соат эълон мекунад. Натиҷаҳои пешакии интихобот ба палатаи поёнии парлумони Тоҷикистон ва мақомоти маҳаллии қонунгузор рӯзи душанбе, 2-юми март маълум мешаванд.
Ба палатаи поёнии парлумон 63 нафар вакилон интихоб мешаванд: 41 нафар аз ҳавзаҳои якмандатии интихоботӣ ва 22 нафар тибқи рӯйхати ҳизбӣ дар ҳавзаи ягонаи умумиҷумҳуриявии интихоботӣ.
Ҷараёни интихоботро беш аз 500 нафар нозирони байнулмилалӣ ва зиёда аз 1000 нафар нозирони маҳаллӣ пайгирӣ (мониторинг) карда, беш аз 100 хабарнигори ВАО-и хориҷӣ онро инъикос мекунанд. Хулосаҳои худро нозирон рӯзи душанбе, 2-юми март дарҳол баъди аз ҷониби КМИР эълон шудани натиҷаҳои пешакии интихобот пешниҳод месозанд.
Парлумони Тоҷикистон аз 2 палата иборат аст. Интихобот ба Маҷлиси миллии Маҷлиси Олии Тоҷикистон (палатаи болоии парлумон) ба рӯзи 27-уми март таъин шудааст. Ин палата аз 33 аъзо иборат аст, ки 8 нафарашонро президент таъин карда, 25 нафар – 5 нафарӣ тариқи интихоботи ғайримустақим аз ҷониби маҷлисҳои вакилони халқи вилоятҳои Суғд, ВМКБ, Хатлон, шаҳри Душанбе ва ноҳияҳои тобеи марказ интихоб мешаванд. Ҳар як собиқ президенти Тоҷикистон ҳуқуқ дорад, ки якумрӣ узви Маҷлиси миллӣ бошад.
Вакилон ба Маҷлиси намояндагони Маҷлиси Олӣ ва Маҷлиси миллии Маҷлиси Олии Тоҷикистон ба муҳлати 5 сол интихоб карда мешаванд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Кумитаи андоз исми 16 блогерро нашр карда гуфт, онҳо ба "соҳибкории ғайриқонунӣ машғуланд"
Дар орзуи шароити хуби корӣ. Кӯҳнадӯзони Хуҷанд дар барфи зимистону гармои тобистон чӣ кор мекунанд?
Тоҷикистон барои сохтмони пули дарозтарин дар кишвар қарз дарёфт кард
Боздошти як корманди Комиссариати ҳарбӣ барои гирифтани пора дар Темурмалик
Раиси пешин ва нави ҲДТ дар интизори хулосаи Вазорати адлия. Усмонзода аз мандати вакили парлумон маҳрум мешавад?
Қазоқистон ба Тоҷикистон барои таҳсили IT-мутахассисон 100 ваучер дод
Тағйироти кадрӣ: писари Маҳмадсаид Убайдуллоев аз вазифа рафт
Роҳбари ширкатеро, ки автобусаш дар Петербург ба дарё афтод, низ ду моҳ ба ҳабс гирифтанд
Дар Душанбе як зан фарзанди нахустини худро дар "Олуча Такси" ба дунё овард
Даромад аз шағал муҳимтар аз амнияти одамон? Шикояти сокинони маҳаллаи селзадаи Ваҳдат аз хунукназарии масъулин
Кулли ахбор
Авторизуйтесь, пожалуйста