Имрӯз дар Бӯстонсарои шаҳрии ҳукумати Тоҷикистон миёни Кумитаи давлатии амнияти миллӣ (КДАМ)-и Тоҷикистон ва Хадамоти бехатарии давлатӣ (ХБД)-и Ӯзбекистон Созишномаи ҳамкорӣ ба имзо расид.
Бино ба иттилои АМИТ «Ховар», созишномаи ҳамкориро аз ҷониби Тоҷикистон раиси Кумитаи давлатии амнияти миллӣ Саймумин Ятимов ва аз тарафи Ӯзбекистон раиси Хадамоти бехатарии давлатӣ Ихтиёр Абдуллоев ба имзо расониданд.
Раиси Хадамоти бехатарии давлатии Ӯзбекистон Ихтиёр Абдуллоев имрӯз бо сафари корӣ ба Тоҷикистон ташриф овард. Дар фурудгоҳи пойтахт ӯро шахсан Саймумин Ятимов пешвоз гирифт.
Раиси ХБД Ӯзбекистон Ихтиёр Абдуллоев имрӯз ҳамчунин аз майдони сохтмони нерӯгоҳи Роғун боздид намуда, бо ҷараёни бунёди ин иншоот шинос мешавад.
Бино ба иттилои хабаргузории Фергана, тӯли 25 соли охир дар бораи ҳамкории мақомоти амнияти Ӯзбекистону Тоҷикистон қариб ҳеҷ хабаре набуд ва дар ин муддат хадамоти махсуси кишварҳо ягон амалиёти муштарак баргузор накарда буданд.
Баъди фаъол шудани муносибатҳои Тоҷикистону Ӯзбекистон дар сатҳҳои гуногун вазъ тағйир ёфт. Моҳи март Ӯзбекистон бори нахуст баъди солҳои тӯлонӣ як шаҳрванди Тоҷикистонро ба ихтиёри мақомоти ҷумҳурӣ супурд, ки ба гумони содир крадани ҷиноятҳо дар кишвар мавриди ҷустуҷӯ қарор дошт.
Дар музокироти моҳи апрели соли равон дар Тошканд тадбирҳои муштарак барои мубориза бо чолишу таҳдидҳои муосир, терроризму ифротгароӣ, аз ҷумла пешгирии фаъолиятҳои ҷинояткоронаи созмонҳо ва ҳаракатҳои террористиву ифротгаро муҳокима шуданд.
Ҷонибҳо доир ба ҳамоҳангсозии амалҳо ва татбиқи чораҳои дар ин самт мувофиқашуда ба созиш расиданд.
Кумитаи андоз исми 16 блогерро нашр карда гуфт, онҳо ба "соҳибкории ғайриқонунӣ машғуланд"
Дар орзуи шароити хуби корӣ. Кӯҳнадӯзони Хуҷанд дар барфи зимистону гармои тобистон чӣ кор мекунанд?
Тоҷикистон барои сохтмони пули дарозтарин дар кишвар қарз дарёфт кард
Боздошти як корманди Комиссариати ҳарбӣ барои гирифтани пора дар Темурмалик
Раиси пешин ва нави ҲДТ дар интизори хулосаи Вазорати адлия. Усмонзода аз мандати вакили парлумон маҳрум мешавад?
Қазоқистон ба Тоҷикистон барои таҳсили IT-мутахассисон 100 ваучер дод
Тағйироти кадрӣ: писари Маҳмадсаид Убайдуллоев аз вазифа рафт
Роҳбари ширкатеро, ки автобусаш дар Петербург ба дарё афтод, низ ду моҳ ба ҳабс гирифтанд
Дар Душанбе як зан фарзанди нахустини худро дар "Олуча Такси" ба дунё овард
Даромад аз шағал муҳимтар аз амнияти одамон? Шикояти сокинони маҳаллаи селзадаи Ваҳдат аз хунукназарии масъулин
Кулли ахбор
Авторизуйтесь, пожалуйста