Намояндаи Тоҷикистон дар панҷумин нишасти машваратии “Формати Маскав” оид ба Афғонистон ширкат мекунад ва аллакай ӯ ба Русия рафтааст. Ин нишаст пагоҳ, 29-уми сентябр, дар шаҳри Қазон баргузор мегардад. Дар ин бора аз Вазорати корҳои хориҷии Тоҷикистон (ВКХ) ба “Азия-Плюс” иттилоъ доданд.
Ҳоло намояндаи Тоҷикистон кӣ аст ва оё ӯ дар ин нишаст суханронӣ мекунад ё на, ба мо маълум нест. Дар бораи дигар ҷузъиёти ин сафари намояндаи Тоҷикистон аз ВКХ маълумот пешниҳод накарданд.
Дар ин нишаст бори нахуст намояндаи Толибон* низ ширкат менамояд.
Ба иттилои расонаҳои Афғонистон, дар “Формати Маскав” Амирхон Муттақӣ, сарпарасти вазорати хориҷаи гурӯҳи Толибон иштирок хоҳад кард ва ӯ ҳоло дар Русия қарор дорад.
Гуфта мешавад, Толибон дар маҷмӯъ аз нишасти “Формати Маскав” хуш истиқбол гирифта, таъкид намуданд, ки “тамаркузи таваҷҷӯҳ ба сулҳ дар Афғонистон ҳамчун кишвари воҳиду мустақил ва аз нигоҳи иқтисодӣ рушдёфта қобили дастгирист”.
Дар нишасти панҷуми “Формати Маскав” оид ба Афғонистон интизор мервад, ки намояндагони кишварҳои минтақа, аз ҷумла Русия, Ҳиндустон, Эрон, Қазоқистон, Чин, Покистон, Қирғизистон, Туркманистон ва Ӯзбекистон ҳам ширкат кунанд.
Қаблан Мария Захарова, сухангӯии вазорати хориҷии Русия гуфта буд, ки дар мулоқот баррасии вазъи кунунии Афғонистон, масъалаҳои мусолиҳаи байни афғонистониҳо, таъмини амнияти минтақавӣ ва барқарорсозии баъдиҷангии кишвар дар назар аст.
“Дар поёни чорабинӣ изҳороти муштараки ҷонибҳо қабул карда мешавад”, - таъкид карда буд Захарова.
Бояд гуфт, ки нишасти Маскав дар масоили сулҳу ҷанги Афғонистон соли 2017 таъсис дода шуда буд.
Бори охир моҳи ноябри соли 2022 нишасти чоруми Маскав баргузор гардида буд, ки он замон намояндагони Толибон ба он даъват нашуда буданд.
Ёдовар мешавем, ки гурӯҳи Толибон моҳи августи соли 2021 Афғонистонро ғасб карда, ҳукумати ин кишварро ба даст гирифтанд ва ду сол мешавад, ки ҳукмронӣ доранд.
Ҷомеаи ҷаҳонӣ аз Толибон ташаккули ҳукумати фарогир бо иштироки намояндагони ҳамаи қавмҳо ва гурӯҳҳои сиёсии Афғонистонро талаб дорад.
*Дар Тоҷикистон гурӯҳи террористӣ эътироф шудааст.
Ҳар он чи дар Афғонистон рух медиҳад, метавонед мустақиман дар сужаи мо - "Афғонистон" бихонед.
Борец сборной Таджикистана стал первым на турнире во Владикавказе
Российские депутаты задумали удвоить налоги для россиян с двойным гражданством
Замглавы таджикской диаспоры в Иркутске задержан по подозрению в организации незаконной миграции
Под фитосанитарным предлогом. Россия прекратила экспорт и транзит зерна из Казахстана
Салом алейкум, Таджикистан! Анонсы событий, день в истории, прогноз погоды на 4 октября 2024 года
В Душанбе запустили первые электрические микроавтобусы
15 лет успеха: Как Спитамен Иншуренс завоевала доверие клиентов и открыла новые горизонты
Истаравшан стал городом ремесленников. Чем он известен и за чем туда стоит поехать?
Европейский союз продвигает современные методы ведения сельского хозяйства
Встречи в Дохе: О чем говорил Эмомали Рахмон с лидером Катара и премьером Таиланда
Все новости
Авторизуйтесь, пожалуйста