Паҳлавони шинохтаи кишвар Хушқадам Хусравов дар рӯзи сеюми Чемпионати ҷаҳон оид ба самбо, ки дар шаҳри Бухарести Руминия баргузор шуд, медали тилло ба даст овард.
Бино ба иттилои Кумитаи миллии олимпии ҷумҳурӣ, Хушқадам дар қувваозмоии вазни -62кг дар даври аввал бар Рафелин Перез (Доминикан), дар даври дуюм бар Ҳристо Георгиев (Булғория), дар чорякфинал бар Генади Чиргадзе (Гурҷистон), дар нимфинал бар Дмитро Левдошенко (Украина) ва дар финал бар варзишгари Русия Руслан Багдасарян ғолиб омада, медали тиллои чемпионатро ба гардан овехт.
Дар рӯзи сеюми чемпионат варзишгарони дигари мо – Зафар Олимшоев (-82кг) дар самбои варзишӣ, Умедҷон Муҳиддинов (-68кг) ва Солеҳ Ҳасанов (-90кг) дар самбои размӣ аз медал бенасиб монданд.
Ёдовар мешавем, ки варзишгарони мо Акмалиддин Каримов дар вазни -57, Хоҷазода Беҳрӯз дар вазни -74кг дар самбои варзишӣ ва Сорбон Латифов дар вазни -62кг-и самбои размӣ дар рӯзи дуюми чемпионат ҷои сеюмро ишғол намуданд.
Умуман, варзишгарони мо дар чемпионати ҷаҳон оид ба самбо дар соли 2018 сазовори 4 медал – 1 тилло, 3 биринҷӣ гардиданд.
Хушқадам Хусравов чемпиони сеюм оид ба самбо дар таърихи Тоҷикистон аст. Аввалин медали қаҳрамонии ҷаҳонро барои Тоҷикистон варзишгари маъруф Саидмумин Раҳимов моҳи сентябри соли 1975 дар шаҳри Минск ба даст оварда буд. Моҳи ноябри соли гузашта гуштигири 23-солаи тоҷик Беҳрӯз Хоҷазода ба медали тиллои мусобиқаи қаҳрамонии ҷаҳон дар Сочи шарафёб гардид.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
Афиша от «Азия-Плюс»: Ночь TUT и снова вечер киномузыки, но теперь в театре Лохути
«Мы лишь выполнили свой человеческий долг»: как таджикские мигранты спасают российских граждан
Хозяин "Крокуса": Система пожаротушения во время теракта сработала штатно, а пожарные выходы были открыты
Таджикистан сократил количество квот на привлечение иностранной рабочей силы до 6,5 тысяч
Генсек ОДКБ: В Центральной Азии растет вероятность приграничных конфликтов за ресурсы, в первую очередь за воду
В Таджикистане всех родственников Фаридуна Шамсиддина забрали, сестру из России депортировали
Гражданина Таджикистана в России обвинили в оправдании теракта в «Крокусе»
Что мешает экономике Таджикистана стать свободной?
В $100 миллиардов оценил Reuters потери ушедших из России компаний
В Кыргызстане бывшего таможенника Матраимова и его братьев отправили в СИЗО
Все новости
Авторизуйтесь, пожалуйста